Popular Bible Verses from Ɛksodɔs 9

Share

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Ade kikɛ be kaman nɛ Enyɛnpe Ebɔrɛ naŋ kaŋɛ Mosis: “Yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: ‘Shin nɛ ma basa e yɔ, saŋɛ na so baaŋ ya bunyaŋ ma.

Kashenteŋto, nɛ n daa sha nna n dafanɛ n shin nɛ kulɔ lubi mo nɛ k daa beeŋ tiŋ m mur fo nɛ fo basa kikɛ ashi kasawule ere so ba menyi so n chɛr.

meeŋ ta kulɔ lubi n lɛ men be asɔbɔya, fanɛ egbaŋɛ nɛ ekurma nɛ enyɔma nɛ ana nɛ mbolpɔ nɛ mboe kikɛ so. Ama ma, Enyɛnpe Ebɔrɛ na beeŋ barga Israɛlebi be asɔbɔya nɛ Ijiptebi be asɔbɔya to nseŋ shin nɛ Israɛl be basa bre be asɔbɔya e sa maŋ wu.’ ”

Amoso echefo, saŋɛ ere so gbagba meeŋ shin nɛ abɔrɛjembubi gbɛgbɛso be bɔrɛ e tɔr kasawule ere so. Loŋ be abɔrɛjembubi na beeŋ baa la asɔ nɛ b maŋ naŋ wu amo be kaduli ashi Ijipt kikɛ yili kachɛ nɛ k jɔŋɛ m ba fo mbre. Amoso k daga fanɛ fo yili kumo fanɛ b pɛ asɔbɔya nɛ kusɔ kama nɛ men kɔ ashi ndɔ to kikɛ n wɔtɔ ebu to nɛ b nya kumɔlga. Nɛ mannɛ aloŋ, abɔrɛjembubi na beeŋ tɔr edimɛdi nɛ asɔbɔya nɛ b na a kilgi to kikɛ so nɛ b wu.’ ”

Saŋɛ na so nsunɔ na beeŋ ki shishɛr mushimushibi n sɔ Ijipt be kasawule so kikɛ nɛ alɔbi e pɛ edimɛdi nɛ asɔbɔya kikɛ nyam ashi kasawule na kikɛ nyam so.” Ndoŋ nna nɛ b jɔ nsunɔ na n ya yili ewura Fɛɛro be anishito nɛ Mosis ta amo ŋ kpa awɔlto nɛ a kilgi alɔbi m pɛ edimɛdi nɛ asɔbɔya kikɛ nyam.