Popular Bible Verses from Ɛksodɔs 10

Share

Kede be kaman nɛ Enyɛnpe Ebɔrɛ naŋ kaŋɛ Mosis le: “Naŋ yɔ ewura Fɛɛro kutɔ n ya shin nɛ mo nɛ mbe beyaasepo kikɛ be ŋgbene e ki kpakpa, saŋɛ na so meeŋ wora ma emamachisheŋ ere nɛ b wu amo. Kumo be loŋ beeŋ shin nɛ menyi alɛ gba e kaŋɛ men be mbia nɛ men nanabiana kananɛ n daŋ wora emamachisheŋ ashi Ijiptebi be anishito, saŋɛ na so menyi kikɛ beeŋ pin fanɛ ma e la Enyɛnpe Ebɔrɛ na.”

Kumo be kaman nɛ Enyɛnpe Ebɔrɛ naŋ kaŋɛ Mosis le: “Teŋi fo enɔ ŋ ŋini awɔlto nɛ ketentembiri e ba buu Ijipt be kasawule so kikɛ, k beeŋ baa la ketentembirigboŋ nna nɛ k beeŋ ba du mina kashenteŋto.” Ndoŋ nna nɛ Mosis maŋ mbe enɔ so ŋ ŋini awɔlto nɛ ketentembirigboŋ le plɔ ba Ijipt be efuli so kikɛ nchɛnsa. Basa daa maŋ naa wu abar kumo be saŋɛ. Ekama malɛ daa maŋ yɔ kaplɛkama nchɛ asa na to. Ama amo be saŋɛ na kikɛ so nɛ kefulto wɔ kakpa nɛ Israɛlebi na bre daa wɔ na.

Ndoŋ nna nɛ Mosis teŋi mbe kekpabi na ŋ ŋini Ijipt be kasawule so nɛ Enyɛnpe Ebɔrɛ shin nɛ afugboŋ ko shi kebɔrɛfito m ba kasawule na so. Afu na daŋ yili kamɔnchɛ kachipurso nna m ber loŋ nɛ kanyɛ ya biri nɛ k naŋ ŋmɛa so loŋ nɛ kare naŋ ya chɛ. Kare ka ya kaa chɛ nɛ elotɔr ba. Ndoŋ nna nɛ elotɔr na ba sensaŋ Ijipt be kasawule kikɛ to nseŋ buu efuli na so kikɛ. Bumo be keshi nɛ kulubi be kaduli maŋ naŋ ba kasawule so kikɛ. Bumo alɛ maaŋ naŋ ba kasawule so loŋ kikɛ.