Popular Bible Verses from ໂອບາດີຢາ 1

Share

ແຕ່​ບາງຄົນ​ເຫຼືອ​ຢູ່​ທີ່​ພູເຂົາ​ຊີໂອນ​ຈະ​ໄດ້​ພົ້ນໄພ ທີ່​ນັ້ນ​ຈະ​ໄດ້​ເປັນ​ສະຖານທີ່​ສັກສິດ​ທີ່ສຸດ​ແທ້ໆ. ປະຊາຊົນ​ຂອງ​ຢາໂຄບ​ຈະ​ໄດ້​ເປັນ​ກຳມະສິດ ດິນແດນ​ທີ່​ເປັນ​ຂອງ​ພວກເຂົາ​ຕາມ​ສິດທິ​ທີ່​ພວກເຂົາ​ມີຢູ່.

ວັນ​ຂອງ​ພຣະເຈົ້າຢາເວ​ກໍ​ຫຍັບເຂົ້າ​ມາ​ໃກ້​ແລ້ວ ທີ່​ຈະ​ຕັດສິນ​ໝົດ​ທຸກ​ຊົນຊາດ. ເອໂດມ​ເອີຍ ສິ່ງ​ທີ່​ເຈົ້າ​ໄດ້​ເຮັດ​ແກ່​ພວກເຂົາ​ສັນໃດ ກໍ​ຈະ​ຖືກ​ເຮັດ​ໃຫ້​ຄືນ​ແກ່​ເຈົ້າ​ສັນນັ້ນ. ເຈົ້າ​ໄດ້​ໃຫ້​ແກ່​ພວກເຂົາ​ສິ່ງໃດ ພວກເຂົາ​ກໍ​ຈະ​ໃຫ້​ຄືນ​ແກ່​ເຈົ້າ​ສິ່ງນັ້ນ.

ຄວາມ​ອວດອົ່ງ​ຂອງເຈົ້າ​ໄດ້​ລໍ້ລວງ​ເຈົ້າ​ເອງ ເມືອງເອກ​ມີ​ປ້ອມ​ກຳແພງ​ສ້າງ​ດ້ວຍ​ຫີນດານ; ເຮືອນ​ຂອງເຈົ້າ​ກໍ​ຖືກ​ສ້າງ​ທີ່​ເທິງ​ພູເຂົາ​ສູງ​ທັງຫລາຍ ສະນັ້ນ ເຈົ້າ​ຈຶ່ງ​ຄິດວ່າ, ‘ໃຜ​ຈະ​ດຶງ​ຂ້ອຍ​ລົງ​ໄດ້?’

ເຖິງ​ວ່າ​ເຈົ້າ​ນັ້ນ​ສ້າງ​ເຮືອນ​ຂອງເຈົ້າ​ຂຶ້ນມາ ສູງ​ເທົ່າ​ກັບ​ຮັງ​ຂອງ​ນົກອິນຊີ​ກໍຕາມ ເພື່ອ​ໃຫ້​ປາກົດ​ເຫັນ​ຄື​ວ່າ​ຢູ່​ທ່າມກາງ​ດວງດາວ ເຖິງ​ຢ່າງ​ນັ້ນ​ກໍຕາມ ເຮົາ​ຈະ​ດືງ​ເຈົ້າ​ລົງ​ໃຫ້​ໄດ້.” ພຣະເຈົ້າຢາເວ​ກ່າວ​ດັ່ງນີ້ແຫຼະ.