Popular Bible Verses from ອົບພະຍົບ 11

Share

ຕໍ່ມາ ພຣະເຈົ້າຢາເວ​ໄດ້​ບອກ​ໂມເຊ​ວ່າ, “ເຮົາ​ຈະ​ນຳ​ການ​ລົງໂທດ​ອີກ​ຢ່າງ​ໜຶ່ງ​ເທົ່ານັ້ນ ມາ​ສູ່​ກະສັດ​ຟາໂຣ ແລະ​ປະຊາຊົນ​ຂອງ​ລາວ. ຫລັງຈາກ​ນັ້ນ​ລາວ​ຈະ​ປ່ອຍ​ພວກເຈົ້າ​ໄປ. ຕາມ​ຄວາມຈິງ​ແລ້ວ ລາວ​ຈະ​ໄລ່​ພວກເຈົ້າ​ທຸກຄົນ​ໃຫ້​ອອກ​ໄປ​ຈາກ​ທີ່​ນີ້.

ແລະ​ລູກຊາຍກົກ​ໃນ​ປະເທດ​ເອຢິບ​ທັງໝົດ​ຈະ​ຕາຍ​ຄື: ຕັ້ງແຕ່​ລູກຊາຍກົກ​ຂອງ​ກະສັດ​ຟາໂຣ​ຜູ້​ທີ່​ຈະ​ສືບຕໍ່​ຄອງ​ຣາຊບັນລັງ ຕະຫລອດ​ເຖິງ​ລູກຊາຍກົກ​ຂອງ​ຄົນ​ຮັບໃຊ້​ຍິງ​ໂມ້​ແປ້ງ. ສັດ​ໂຕເຖິກ​ຫົວປີ​ກໍ​ຈະ​ຕາຍ​ໝົດ​ຄືກັນ. ສຽງ​ຮ້ອງໄຫ້​ຈະ​ດັງ​ກ້ອງສະໜັ່ນ​ທົ່ວ​ປະເທດ​ເອຢິບ ຢ່າງ​ບໍ່ເຄີຍ​ມີ​ມາ​ກ່ອນ​ຫລື​ຈະ​ບໍ່ມີ​ອີກ​ຈັກເທື່ອ.

ພຣະເຈົ້າຢາເວ​ໄດ້​ບອກ​ໂມເຊ​ອີກ​ວ່າ, “ກະສັດ​ຟາໂຣ​ຈະ​ສືບຕໍ່​ບໍ່​ຍອມ​ຟັງ​ເຈົ້າ ເພື່ອ​ເຮົາ​ຈະ​ໄດ້​ເຮັດ​ການ​ອັດສະຈັນ​ຕ່າງໆ​ຕື່ມ​ອີກ​ໃນ​ປະເທດ​ເອຢິບ.”