Popular Bible Verses from 2 ຕີໂມທຽວ 2

Share

ຈົ່ງ​ອົດສາ​ພະຍາຍາມ​ສະແດງ​ຕົນ ເໝືອນ​ເປັນ​ຄົນ​ທີ່​ພິສູດ​ແລ້ວ​ຕໍ່​ພຣະພັກ​ພຣະເຈົ້າ ເປັນ​ຄົນງານ​ທີ່​ບໍ່​ຕ້ອງ​ອາຍ ແລະ​ໃຊ້​ພຣະທຳ​ແຫ່ງ​ຄວາມຈິງ​ຢ່າງ​ຖືກຕ້ອງ.

ດັ່ງນັ້ນ ເຈົ້າ​ຈົ່ງ​ຫລີກ​ໜີ​ຈາກ​ຣາຄະ​ຕັນຫາ​ຂອງ​ຄົນ​ໜຸ່ມ. ຈົ່ງ​ຕິດຕາມ​ຄວາມ​ຊອບທຳ, ຄວາມເຊື່ອ, ຄວາມຮັກ ແລະ​ສັນຕິສຸກ ຮ່ວມ​ກັບ​ຄົນ​ທັງປວງ​ທີ່​ຮ້ອງ​ອອກ​ພຣະນາມ​ຂອງ​ອົງພຣະ​ຜູ້​ເປັນເຈົ້າ​ດ້ວຍ​ໃຈ​ບໍຣິສຸດ.

ຜູ້ຮັບໃຊ້​ຂອງ​ອົງພຣະ​ຜູ້​ເປັນເຈົ້າ ຕ້ອງ​ບໍ່​ເປັນ​ຄົນ​ວິວາດ​ຜິດຖຽງ​ກັນ, ແຕ່​ຕ້ອງ​ມີ​ໃຈ​ເມດຕາ​ແກ່​ທຸກຄົນ ເປັນ​ຄູ​ທີ່​ເໝາະສົມ ແລະ​ມີ​ໃຈ​ພຽນ​ອົດທົນ

ຖ້າ​ພວກເຮົາ​ບໍ່​ສັດຊື່ ພຣະອົງ​ກໍ​ຍັງ​ສັດຊື່​ໝັ້ນຄົງ​ຢູ່ ເພາະວ່າ​ພຣະອົງ​ຊົງ​ເປັນ​ຄວາມຈິງ ທີ່​ບໍ່​ສາມາດ​ຈະ​ປະຕິເສດ​ພຣະອົງ​ເອງ​ໄດ້.”

ແກ້ໄຂ​ຄວາມ​ຄິດເຫັນ​ຝ່າຍ​ກົງກັນຂ້າມ ດ້ວຍ​ຄວາມ​ສຸພາບ​ອ່ອນໂຍນ ເພາະ​ພຣະເຈົ້າ​ຈະ​ຊົງ​ໂຜດ​ໃຫ້​ພວກເຂົາ​ກັບໃຈ​ໃໝ່ ແລະ​ພາ​ໄປ​ສູ່​ການ​ຮູ້ຈັກ​ເຖິງ​ຄວາມຈິງ.

ຈົ່ງ​ຫລີກ​ເວັ້ນ​ຈາກ​ການ​ສົນທະນາ​ອັນ​ໂງ່ງ່າວ ແລະ​ຂັດ​ກັບ​ຄວາມເຊື່ອ ຊຶ່ງ​ເປັນ​ການ​ຊັກນຳ​ຜູ້​ຟັງ​ໃຫ້​ຫ່າງ​ຈາກ​ພຣະເຈົ້າ​ຫລາຍ​ຂຶ້ນ​ເທົ່ານັ້ນ.