Popular Bible Verses from Mathais 24

Share

Vim tej kev phem kev qas nuav nthuav luj heev tuaj, ntau tug tuabneeg txuj kev hlub yuav txag zujzug moog. Tabsis tug kws ua sabntev tiv taug moog txug thaus kawg, tug ntawd yuav dlim.

Thaus txuj Xuv Zoo kws has txug Vaajtswv lub Ntuj Ceebtsheej nuav raug qha moog thoob qaabntuj kws yog ua timkhawv rua txhua tsaav tuabneeg paub lawm, tes lub sijhawm kawg maamle lug txug.

Mej yuav nov kev tsuv kev rog nyob ze mej hab nov moo txug tej tebchaws kws nyob dleb mej uatsuv uarog, tabsis mej tsi xob poobsab. Yeej yuav muaj tej ntawd, tabsis tsi tau txhais has tas tub txug lub sijhawm kawg lawm.

Ib lub tebchaws yuav sawv tawmtsaam ib lub tebchaws, hab ib tsaav tuabneeg yuav sawv tawmtsaam ib tsaav tuabneeg. Yuav muaj kev tshaib kev nqhes hab aav yuav qeeg nyob rua txhua qhov. Txhua yaam nuav zoo ib yaam le tug quaspuj kws nyavnyuas pib mob plaab yuav yug mivnyuas xwb.

Lub ntuj hab lub nplajteb yuav pluj moog, tabsis Kuv tej lug qha yuav tsi pluj hlo le.

Yuav muaj ntau leej tuaj ntawm Kuv lub npe tuaj has rua mej tas, ‘Kuv yog tug Mexiyas!’ Hab puab yuav ntxag ntau leej yuamkev.

“Thaus ntawd yuav muaj tuabneeg nteg mej, coj mej moog tsimtxom hab muab mej tua. Txhua tsaav tuabneeg yuav ntxub mej, vim mej yog cov kws ntseeg Kuv. Lub sijhawm ntawd yuav muaj ntau leej tso puab txuj kev ntseeg tseg; ib leeg yuav ntxeevsab rua ib leeg hab ib leeg yuav ntxub ib leeg. Yuav muaj cov xwbfwb cevlug cuav coob leej ntxag ntau leej yuamkev.

Yexus teb tas, “Mej yuavtsum ceevfaaj, tsi xob ca leejtwg ntxag tau mej yuamkev.

Yogle ntawd, mej los yuavtsum npaaj kuas txhij, ruaqhov Tuabneeg Leejtub yuav lug lub sijhawm kws mej tsi ncu ceevfaaj txug Nwg.

Yogle ntawd, mej yuavtsum ceevfaaj zuv tog, ruaqhov mej tsi paub tas nub twg mej tug Tswv yuav lug.

“Tsi muaj leejtwg paub tas yog nub ntawd lossis lub sijhawm ntawd, txawm yog cov timtswv ceebtsheej lossis Leejtub los yeej tsi paub; tsuas yog Leejtxiv tuableeg txhaj paub xwb.

Ruaqhov yuav muaj tej Mexiyas cuav hab tej xwbfwb cevlug cuav tshwm tuaj. Puab yuav lug ua tej txujci tseemceeb ntxag Vaajtswv tsaav tuabneeg kws Nwg tub xaiv lawm, seb puab puas yuamkev tau.

“Lub sijhawm kws Tuabneeg Leejtub lug, yuav zoo ib yaam le tej kws tshwmsim rua tam Nau-as nyob. Thaus dlej tseem tsi tau nyaab nplajteb, suavdlawg noj hab haus, ua tshoob ua kug moog txug ncua nub kws Nau-as nce moog rua huv nkoj; tabsis puab tsi paub tas yuav muaj dlaabtsi tshwmsim lug, moog txug thaus kws dlej tub lug nyaab hab kuav puab moog taag huv tuabsi. Thaus Tuabneeg Leejtub lug, yuav zoo ib yaam le ntawd.