Popular Bible Verses from Mathais 23

Share

Tug kws tseemceeb tshaajplawg nyob rua huv mej, tug ntawd yog mej tug tubkhai.

Tug kws tsaa nwg lub fwjchim, yuav raug muab txu kuas qeg, hab tug kws txu nwg lub fwjchim, yuav raug muab tsaa kuas sab.

“Cov xwbfwb kws qha Kevcai hab cov Falixais kws ntsejmuag ncaaj sabnkhaus, mej yuav raug kev puamtsuaj lau! Mej muab ib feem kaum ntawm mej tej txumlom, xwsle pumhum, zaubtxhwb hab xyaabtxob rua Vaajtswv, tabsis mej tsi ua lawvle tej lug tseemceeb kws txuj Kevcai qha, xwsle kev coj ncaaj, kev taabncuab, hab kev ncaajnceeg. Tej nuav yog tej kws tsimnyog mej yuavtsum tau ua, tabsis ho tsi xob muab lwm nqai tsotseg hab.

“Cov xwbfwb kws qha Kevcai hab cov Falixais kws ntsejmuag ncaaj sabnkhaus, mej yuav raug kev puamtsuaj lau! Mej ntxuav mej lub khob hab lub phaaj saabnrau xwb, tabsis saabhuv mas mej puvnkaus tej kev uanruj uatsiv hab sabhlub.

“Yeluxalees, Yeluxalees! Koj muab cov xwbfwb cev Vaajtswv lug tua hab muab pobzeb ntaus cov tubkhai kws Vaajtswv khaiv lug qha koj! Muaj ntau zag Kuv tub yuav muab koj cov mivnyuas lug puag ib yaam le tug pujqab cuab nwg cov mivnyuas lug puag rua huvqaab nwg ob phob tis, tabsis koj ho tsi kaam Kuv ua le ntawd!

Ib yaam nkaus le ntawd, saabnrau mas suavdlawg xaav tas mej yog tuabneeg zoo, tabsis saabhuv mas mej puvnkaus txuj kev ua tuabneeg ntsejmuag ncaaj sabnkhaus hab kev txhum.