Popular Bible Verses from Mathais 18

Share

Yog muaj ob lossis peb leeg tuaj nyob uake ntawm Kuv lub npe rua qhovtwg, Kuv yuav nrug puab nyob qhov ntawd.”

“Kuv qha rua mej ntxiv has tas, yog muaj ob leeg kws nyob huv nplajteb nuav pumzoo thov Vaajtswv rua ib yaam dlaabtsi, Kuv Txiv kws nyob sau ntuj ceebtsheej yuav pub yaam ntawd rua obtug.

Yexus hu ib tug mivnyuas yau lug sawv ntawm puab xubndlag hab has tas, “Kuv qha tseeb rua mej has tas, yog mej tsi hloov hab tsi coj zoole tej mivnyuas yau nuav, tes mej yeej yuav moog tsi tau rua Vaajtswv lub Ntuj Ceebtsheej hlo le.

Tug kws luj dlua ndlais huv Vaajtswv lub Ntuj Ceebtsheej yog tug kws txu fwjchim le tug mivnyuas yau nuav.

Tug kws txais yuav tug mivnyuas yau nuav huv Kuv lub npe, yog nwg txais yuav Kuv.

“Kuv qha tseeb rua mej has tas, yaam twg kws mej txwv huv nplajteb nuav, yaam ntawd yuav raug txwv sau ntuj ceebtsheej; yaam twg kws mej tsocai huv nplajteb nuav, yaam ntawd yuav raug tsocai sau ntuj ceebtsheej.

Yexus xaus lug has tas, “Yog mej ib leeg tsi zaamtxim rua ib leeg kws yog tawm huv lub sab tuaj tag-tag, kuv Txiv kws nyob sau ntuj ceebtsheej yuav ua tuabyaam nkaus le ntawd rua mej hab.”

“Yog leejtwg ua rua cov mivnyuas kws ntseeg Kuv nuav ib tug ua txhum, cale muab hlua khi ib txhibzeb kws luj dlai rua nwg cejdlaab hab muab pov rua huv havtxwv kuj zoo dlua.

“Mej xaav lecaag? Yog muaj ib tug txivneej kws nwg muaj ibpuas tug yaaj, yog ib tug pluj lawm, nwg puas yuav tso cuajcaum-cuaj tug rua sau roob hab moog nrhav tug kws pluj lawm?