Popular Bible Verses from Mathais 19

Share

Yexus tsaa qhovmuag saib puab hab teb tas, “Yaam nuav mas tuabneeg ua tsi tau, tabsis Vaajtswv ua tau txhua yaam huv tuabsi.”

Obtug tsi yog ob leeg, tabsis yog ib leeg lawm xwb. Yogle ntawd, yaam kws Vaajtswv tau muab lu tsheejxeeb uake lawm, tuabneeg tsi xob muab cais.”

Yexus teb tas, “Mej tsi tau nyeem Vaajtswv Txujlug kws has tas thaus chivkeeb Vaajtswv ‘tsim tug quasyawg hab tug quaspuj’ nua lov? Hab Vaajtswv has tas, ‘Tub yog vimle nuav tug txivneej txhaj tso nwg nam nwg txiv tseg hab moog nrug nwg tug quaspuj tsheejxeeb uake, hab obtug yuav koom ua ib lub cev.’

Yexus has tas, “Ca cov mivnyuas yau lug cuag Kuv, tsi xob taav puab, ruaqhov Vaajtswv lub Ntuj Ceebtsheej yog cov kws zoole cov mivnyuas yau nuav tug.”

Tabsis muaj ntau tug kws nwgnuav nyob tom hauvntej yuav tau moog nyob tom tw, hab ntau tug kws nyob tom tw yuav tau moog nyob tom hauvntej.

Hab txhua tug kws tso vaaj tso tsev, tso kwv tso tij, tso nkauj tso muam, tso nam tso txiv, lossis tso mivnyuas, hab tso laj-teb tseg vim Kuv, nwg yuav tau txais 100 npaug, hab nwg yuav tau txujsa ntev dlhawv moog ibtxhis.

Yexus has rua nwg tas, “Yog koj xaav ua tug kws zoo kawg nkaus, koj rov moog muab txhua yaam kws koj muaj muag huv tuabsi hab muab cov nyaj ntawd moog pub rua cov tuabneeg pluag, koj txhaj yuav npluanuj rua sau ntuj ceebtsheej; tomqaab ntawd koj cale lug nrug Kuv moog.”

Yexus teb tas, “Vim lecaag koj ho nug Kuv txug yaam kws zoo? Tsuas muaj Tuabtug txhaj yog tug zoo xwb. Yog koj xaav tau txujsa, koj yuavtsum coj lawvle Vaajtswv tej kevcai.”

Kuv has ntxiv rua mej has tas, ib tug ntxhuav nkaag lub qhov koob tseem yoojyim dlua le ib tug tuabneeg npluanuj nkaag moog rua huv Vaajtswv lub Tebchaws.”

Kuv qha rua mej has tas, yog leejtwg tug quaspuj tsi tau moog dleev hluasnraug, tabsis nwg cale muab nrauj, yog nwg moog yuav dlua ib tug quaspuj, tes yog nwg ua kev nkauj kev nraug.”

Yexus txhaj has rua Nwg cov thwjtim tas, “Kuv qha tseeb rua mej has tas, qhov kws ib tug tuabneeg npluanuj yuav nkaag tau moog rua Vaajtswv lub Ntuj Ceebtsheej mas nyuaj kawg le.