Popular Bible Verses from Efexus 2

Share

Peb yog cov kws Vaajtswv txhais teg puab. Vaajtswv tsim peb nyob rua huv Yexus Khetos kuas lug ua tegnum zoo kws Vaajtswv tub xub npaaj tseg ca rua peb ua lawm.

Qhov kws mej dlim yog vim Vaajtswv txuj moovhlub, kws lug ntawm txuj kev ntseeg; tsi yog lug ntawm mej tug peevxwm, tabsis yog Vaajtswv cale pub rua mej xwb. Nwg tsi yog mej tug dlaag tug zug ua, sub txhaj tsi muaj leejtwg khaav tau.

Tabsis Vaajtswv txuj kev taabncuab luj heev, hab Nwg hlub peb kawg nkaus le. Txawm yog peb tub tuag ntawm saab ntsujplig vim peb tsi noog Vaajtswv lug lawm los, Vaajtswv tseem pub peb rov muaj txujsa nrug Khetos hab. Qhov kws mej dlim ntawd tub yog vim Vaajtswv txuj moovhlub nkaus xwb.

Vim peb koomxeeb nrug Yexus Khetos, Vaajtswv txhaj tsaa peb nrug Nwg sawv rovqaab lug hab nrug Nwg kaav sau ntuj ceebtsheej.

Yogle ntawd, mej cov kws yog Lwmtsaav Tuabneeg, mej tsi yog Lwmtsaav Tuabneeg lossis tsi yog tuabneeg txawv teb txawv chaw ntxiv lawm, nwgnuav mej nrug Vaajtswv tsaav tuabneeg koom teb koom chaw hab mej yog Vaajtswv tsev tuabneeg lawm. Vaajtswv tsaa mej rua sau lub quatsev kws cov timthawj hab cov xwbfwb cev Vaajtswv lug tub ncaws ca lawm. Tug ncej zeb kws txheem lub tsev ntawd yog Yexus Khetos ntaag.