Popular Bible Verses from RUM 14

Share

Tu' Pomorintaan nopod Kinorohingan om okon i' ko' kagait di takanon om i tinumon. Suwai ko', iri nopo it agayo kopio om tumanud o tulun do korohian do Kinorohingan, om osimbayan o ginawo dau, om kaanu iyau do kataadan di patahakon di Rusod do Kinorohingan. Iri nopo tulun di momonsoi'd karaja' do dong Kristus do miagal diri, om koposonong nod ginawo'd Kinorohingan om pusohon iyau'd tulun do suwai.

Poimpasi toko' nga' momusou toko' id Tuhan. Om matai toko' nga' momusou toko' id Tuhan. Om poimpasi ko' poimpatai toko' nga' Tuhan no o sanganu dati'

Iyo nopoddi om pokiwawansayan toko' nopo kopio om i popiulud kasai' om i popogirot do ginawo'd tulun do suwai.

Iyo nopoddi om kada' toko' pogisala-sala'. Suwai ko' tumotos toko' nogi' dot a' momonsoi do nunu nopo i sumiliu'd pogumbalan om sumiliu'd korotuon dot id dusa dot isai nopo o tulun dit oiyo o kinotumbayaan.

Haro i' o nokotulis dot id suang do Buuk do Kinorohingan do poingkaa, “Boros kad Tuhan, Otopot no kopio, do motud ngai' nopondod tumuku' dot id doho' o pointikid-tikid do tulun; om mangakun ngai' o pointikid-tikid do tulun dot iyoho' o Kinorohingan,” ka. Iyo nopoddi om sompori-pori toko' nopondod monusui di dati'd winonsoi dot id Kinorohingan.

Iri nopo tulun dit a' po haro o kotontuan kopio di ponongkuyaanan dau, om mositi' nod romiton kosonong-sonong dot id pogialatan dokoyu. Kada' kou ponokisongkiwal dau do pasal di dau'd ponongkuyaanan.

Isai kopio ko toi tu' mongilo ko ondung kasala' ko' amu' i susuhuon do tulun do suwai? Tu' aratu' piya ko' poingkakat i susuhuon diri nga' iri i tuan dau o monongkoilo. Om atantu' nod poingkakat i' i susuhuon diri, tu' milo i' o Tuhan do popoingkakat dau.