Popular Bible Verses from RUM 13

Share

Pologoson no o Tuhan Yesus Kristus do manantu' dit apatut dokoyu'd wonsoyon. Om kada' kou tanud di kowoyo-woyoo'd tulun di kidusa do ponguru di korohian do tinan dokoyu.

Kada' kou pongutang do nunu nopo dot id isai nopo, suwai ko' mogiutang- utang kou nogid kosianan. Tu' iri nopo tulun dit osianan do tulun do suwai, om katanud ngai' no di Tourat.

Mositi' nod mumboyo' do porinta o pointikid-tikid do tulun, tu' aiso' i' o porinta dit okon ko' Kinorohingan o kinoonuan do kuasa'. Om iri nopo porinta do dinondo om tumanud i' di pinonuhuan do Kinorohingan o pamamakai dau di kuasa' dau.

Oruhai nod katalib o totuong; om a' no alaid om anawau no. Om tumingkod toko' no kopio'd momonsoi di wowonsoyon do don totuong. Om mositi' nod monongrapo-rapo toko' di rapo-rapo do don tanawau.

Iri nopo tulun dit osianan do tulun do suwai, om a' i' momonsoi dot araat dot id tulun diri: Komoyon nopoddi, om iri nopo tulun dit osianan do tulun do suwai om nakatanud ngai' no di ponudukan do Tourat.

Iyo nopoddi om pabayaron no dot id porinta it apatut do pabayaron nu. Om mambayar nod sukai, ondung haro no i sukayan nu; om bayaran o lisin do haro no i lisinan nu. Podulon ngai' no it apatut nu'd podulon, om pusohon it apatut nu'd pusohon.