Popular Bible Verses from RUM 15

Share

Kinorohingan no o milo dokoyu'd pagandasan. Om iyau no o pokionuon ku do momonu'd ginawo dokoyu do kataadan om kosimbayanan tu' monongkuyaan kou no dau, om muhang-ruhang indo o kogiroto' do pogogondos dokoyu'd Kinorohingan do mikuwo'd kuasa' do Rusod do Kinorohingan.

Iri ngai' nopo i songintulis dot id suang do Buuk do Kinorohingan om maan i' do ponuduk dati': Tu' iri nopo ponudukan dot aanu toko' do mantad id Buuk do Kinorohingan om papalanut i' do ginawo toko' om popogirot, gisom do mogondos toko' nondod Kinorohingan.

Om Kinorohingan, i manahak do kolonuto'd ginawo om koinsasamadan dot id tulun, o pagandasan ku'd monulung dokoyu do popogiiso' do ginawo, do momit di winonsoi'd Kristus Yesus. Om iso-iso' ngai' nopondo o ginawo dokoyu do mamarayou'd Kinorohingan, i Tapa' do Tuhan toko', i Yesus Kristus.

Iyo nopoddi om pogirami-ramit kou no do mikuwo'd osonong o ginawo, do miagal di Kristus tu' minamaramit dokoyu do popoinggayo'd Kinorohingan.

Suwai ko' sompori-pori toko' nogid popoinsonong do ginawo di tobpinai toko'd suwai, om osiliu i' iri do koinsanangan dau, om kogirot indo o ponongkuyaanan dau.