Popular Bible Verses from Isaiah 43

Share

Peratika utai ti baru, ti deka dikereja Aku. Utai nya benung nyadi, lalu kita ulih meda utai nya diatu! Aku deka ngaga jalai raya nengah menua puang lalu meri kita ai sungai di menua puang nya.

Lebuh kita bejalai nengah ai ti dalam, Aku deka meruan enggau kita. Penusah ti nuntung kita enda ulih ngalahka kita. Lebuh kita bejalai ngerenchah api, kita enda betu. Penguji ti besai ti deka datai, enda ulih ngemediska kita

Tang ku TUHAN bejaku, “Anang ingatka utai ti udah nyadi menya tauka berundingka utai ti udah nyadi dulu kelia.

Israel, TUHAN udah nempa kita, lalu ku Iya bejaku, “Anang takut. Aku deka ngelepaska kita. Aku udah ngangauka nama kita siku-siku laban kita endang enggi Aku.

Aku deka ngelengkaka mayuh bansa bukai laban Aku deka ngelepaska kita, laban Aku sayauka kita enggau laban Aku rinduka kita lalu meri kita basa.

laban Aku tu TUHAN Allah Taala kita, Allah Taala ke disembah orang Israel ti kudus, ke ngelepaska kita. Aku deka meri Ejip, Etiopia enggau Seba kena Aku nebus kita.

Anang takut. Aku bisi enggau kita! “Ari timur, enggau ari barat ti pemadu jauh Aku deka mai bala nembiak nuan pulai ngagai menua sida empu.

Tang taja pia, Aku tu Allah Taala ti ngampun dosa kita, lalu Aku ngereja nya laban nya endang gaya Aku. Aku enggai nyalah kita ketegal dosa kita.

“Orang Israel, kita tu meh saksi Aku. Aku milih kita nyadika nembiak Aku, ngambika kita ngelala Aku, lalu arapka Aku sereta nemu Aku endang Allah Taala ti siku aja. Kita nadai petara bukai tang semina Aku aja, nemuka menya tauka jemah ila.

“Semina Aku siku aja ti TUHAN ke ulih ngelepaska kita.

Aku endang Allah Taala belama iya. Nadai orang ulih ngerarika diri ari kuasa Aku. Nadai orang ulih ngubah utai ti dikereja Aku.”

Indah jelu babas deh deka ngemesaika Aku. Jelu pasun enggau burung unta deka muji Aku lebuh Aku deka ngasuh sungai rarat di menua puang kena meri ai ngagai bala nembiak ke dipilih Aku. Sida nya orang ke ditempa Aku ke Aku Empu, lalu sida deka belagu muji Aku!”

Aku deka ngasuh utara ngelakka sida mupuk lalu nagang selatan ngetanka sida. Awakka bala nembiak Aku pulai ari menua ti jauh, ari semua endur di serata dunya. Sida endang nembiak Aku, lalu Aku udah ngaga nempa sida kena ngemuliaka Aku.”

Dulu kelia TUHAN ngaga jalai raya nengah tasik, jalai nengah ai ti bebuli. Iya ngerusak bala soldadu ti kering, bala soldadu ke nepan kerita perang enggau kuda. Sida rebah, lalu enda angkat agi, dipadamka baka api kelita!

Aku tu TUHAN Allah Taala kita ke kudus. Aku udah ngaga kita, Israel, lalu Aku tu Raja kita.”