Popular Bible Verses from Isaiah 41

Share

Anang takut, Aku bisi enggau kita! Aku tu Allah Taala kita. Anang nejuka utai ngenakutka kita! Aku deka ngasuh kita kering lalu nulung kita. Aku deka nyaga kita lalu ngelepaska kita.

Aku tu TUHAN Allah Taala kita. Aku ngasuh kita kering lalu madahka ngagai kita, ‘Anang takut. Aku deka nulung kita.’ ”

“Orang ke ringat ngagai kita deka malu alah. Orang ke ngelaban kita deka mati

Aku udah mai kita ari tisi dunya. Aku udah ngangauka kita ari tisi ti pemadu jauh lalu ku Aku bejaku enggau kita, ‘Kita tu nembiak Aku.’ Aku enda nulak kita, tang udah milih kita.

lalu deka lesap ari dunya tu.

Ku TUHAN bejaku, “Israel, taja pen kita bansa ti mit sereta lemi, tang kita enda tau takut. Aku deka nulung kita. Aku, Allah Taala ke disembah orang Israel ti kudus, deka nebus kita.

“Tang kita orang Israel ti nembiak Aku, udah dipilih Aku. Kita tu peturun Abraham, ti pangan Aku.

Aku deka ngasuh ai sungai rarat ba bukit ti nadai tumbuh kayu lalu mata ai rarat ba lebak. Aku deka ngubah menua puang nyadi letung lalu tanah ti rangkai nyadi mata ai.

“Lebuh bala nembiak Aku beguna lalu begigaka ai, lebuh batang rekung sida nyau rangkai laban aus, nya baru Aku, ti TUHAN, deka nyaut sampi sida. Aku, ti Allah Taala ke disembah orang Israel, enda sekali-kali ninggalka sida.

Sapa ke ngasuh utai tu nyadi? Sapa ke ngatur utai nyadi dulu kelia? Aku ti TUHAN endang bisi dia kenyau ari pun, lalu Aku ti TUHAN, deka meruan dia ba pengujung dunya ila.

Aku deka ngasuh kayu sidar, kayu akasia, kayu matil enggau kayu kana tumbuh di menua puang. Utan pain, Juniper enggau saipris deka tumbuh di menua puang. Orang deka meda nya, lalu sida deka nemu Aku ti TUHAN, udah ngereja utai nya. Sida deka nemu Allah Taala ke disembah orang Israel ti kudus udah ngasuh utai nya nyadi.”