Popular Bible Verses from Ulang Adat 6

Share

lalu kita enda tau enda rinduka TUHAN Allah Taala kita enggau pengabis ati kita, enggau pengabis semengat kita, enggau pengabis pengering kita.

Ajar pesan nya ngagai anak kita. Kita enda tau enda betanduka pesan nya lebuh kita di rumah, enggau lebuh kita bejalai kebukai, lebuh kita belelak, enggau lebuh kita gawa.

Kingatka pesan ti diberi aku ngagai kita sehari tu.

“Dinga, kita orang Israel! TUHAN Allah Taala kita endang siku aja

Tuliska sida lalu tanchangka ba lengan kita. Lekatka sida ba kening kita kena kita ngingatka sida.

Tuliska sida ba tiang pintu rumah kita, enggau ba pintu kuta kita.

Kemesaika TUHAN Allah Taala kita. Sembah Iya siku aja, lalu gaga semaya kita atas nama Iya siku aja.

“Munyi ti udah disemaya TUHAN Allah Taala kita ngagai aki ini kita Abraham, Isak enggau Jakop, Iya deka meri ngagai kita menua ti bisi nengeri ti besai sereta kaya-raja, ti ukai digaga kita. Rumah dia deka penuh laban utai ti manah, ti ukai disimpan kita empu, lalu bisi telaga ti ukai ditumbak kita, enggau kebun anggur enggau kebun kana ti ukai ditanam kita. Lebuh TUHAN mai kita ngagai menua nya, lalu semua utai ti deka diempa kita bisi magang, anang enda ingatka TUHAN ti udah mai kita pansut ari menua Ejip, alai kita ke udah nyadi ulun.

“Nya meh adat ti diasuh TUHAN Allah Taala kita ajar aku ngagai kita. Titihka semua adat nya di menua ti deka digagai lalu dialahka kita; ngambika kita enggau anak uchu kita nangika TUHAN Allah Taala kita sepemanjai umur kita, lalu ngasika semua adat enggau pesan Iya, ti dipadahka aku ngagai kita, ngambika kita panjai umur.

Kereja semua utai ti ngena sereta manah ti diasuh TUHAN. Nya baru semua utai ti dikereja kita deka mujur magang. Kita ulih ngerampas menua ti ami nya, ti udah disemaya TUHAN ngagai aki ini kita

Enti kita nyembah petara bukai, TUHAN deka ringat ngagai kita baka api, lalu deka ngerusak semua kita, laban TUHAN Allah Taala, ti bisi enggau kita, nya Allah Taala ti chemburu.

Anang nyembah petara bukai, petara orang bansa bukai ke ngelingi kita.

“Anang nguji TUHAN Allah Taala kita, baka ke udah dikereja kita di Masah.