Popular Bible Verses from Itorati 11

Share

Mweettuchiheke achishaana inyu alha malhove alha ikatema vanohalha inyu ukhalha mmanupani, kila vanorwaa inyu munkwahani, ama kila vanorwaa inyu urupani, ni kila vanonkwa inyu.

“Nshungeeheke malhove aka alha mmamirimani mwinyu ni mmaminepani mwinyu. Nttukelheke mmiononi mwinyu thoko ithuphu ni uwara vayuchi winyu, wo uwupushani.

“Paahi, mwavarecheshaka iamuri chaka, chinovahaakani lhelho chilha, ni waattuna Apwiiya Nlhuku inyu, ni uvara ntheko aya wo nrima winyu wonkhaye ni wo nnepa winyu wonkhaye, anoorupiha ipulha ilhapo inyu ikatema aya yaayaka, ntipashilhe ni iyitha, ni inyu nnoruweriacha choolhia chinyu, idivai inyu ni makhura inyu.

“Wo yoyo nlhatu uyo etu, mwaattuneke Apwiiya Nlhuku inyu, ni uvarechesha malheheriyo ni iamuri chaya mahuku onkhaye.

“Mmweheke, lhelho kinouvahani nipesha no uthanlha, variyari wo ibarakha ni ulhaviya, ibarakha yakhalhaka nnoovarechesha iamuri cha Apwiiya Nlhuku inyu, anouvahaakani lhelho alha, ni nnoolhaviya mwaahirumelhelheke iamuri chinolhehera aka chi, ni uhiya iphiro chaya, nkamwaathimicha milhuku chikina chihinapacha inyu uchuwelha.

Nlhepacheke alha malhehero alha vachulhu milhako cho inupa chinyu, ni vachulhu milhako cho ukelha mmawani mwinyu, wiira mwaatti ni achishaana inyu nlhokelhe mahuku menchi, aalhenhe aya Apwiiya Nlhuku inyu, wiira anowaavaha manyaapwiiya inyu, mahuku onkhaye irimu vanohalha aya ukhalha vachulhu ilhapo.

Mwiishungeke, mirima chinyu chihiwe chaathepiachiya, nkamwaarukunuwa ni ukavihera mitheko cho milhuku chikina ni uthimicha