Popular Bible Verses from Itorati 10

Share

“Vano inyu mwaatti attu o Uisraeli, Apwiiya Nlhuku inyu, ittu anothanana aya phi ilha: Mwaathimicheke ni uttwara iphiro chaya chonkhaye. Mwaattuneke wo mirima chinyu chonkhaye ni wo minepa chinyu chonkhaye, nrumelhelheke iamuri ni malhehero aya, alha anouvahaakani lhelho alha, wo nlhatu winyu mwaashinene.

Ukhalhawaya Apwiiya Nlhuku inyu, phi Nlhuku o milhuku ni Athithi a manyaathithi inyu. Yayo phi Nlhuku mulhupalhe o machiri, ni o woopiha, khanommweha ntu wiitho, ni wala khanopochera irushwa.

Paahi etu toka lhelho, mwaarumelhelheke Apwiiya Nlhuku, nhikhalhe tho attu o itiyamaru.

Anowaalhoha rata achishaana ohiiya, manyanankhwelhi ni alheto, phi naavaha yolhia ni ikuwo.

Mwaashipeke yayo, yayo phi Nlhuku inyu oopangenlheni chittu chulhupalhe ni cho woopiha chonne inyu wo miitho inyu mwaashinene chi.

Mwaarumelhelheke Apwiiya Nlhuku inyu, mwaathimicheke yayo vekha aya. Nvareke mitheko chaya, mwaalhutaaneke ni ulhupelha wo uromolha nchina naya.

Mwooneke, irimu ata irimu cho uchulhu chinene phi chawaya Apwiiya Nlhuku inyu, ilhapo ni chittu chonkhaye chiriwo chawaya.

Paahi etu, mwaattuneke alheto ni waakhalhana rata, ukhalhawaya ni inyu mwaatti mwaari alheto chiicho, Umisri.