Popular Bible Verses from Mazimuriyaa 18

Share

Med'inaa Goday taw wogga zaallaa; Taani olaappe naagettiyaa miis'aa; I taana ashshiyaawaa. Ta S'oossay taani aakko bak'atiyaa ta wogga zaallaa. I ta gonddalliyaa; I taana ashshiyaa wolk'k'aa; I taani k'osetta attiyaa sa'aa.

S'oossaa ogii suure. Med'inaa Godaa k'aalay geeshsha. Aakko bak'atiyaa ubbatoo I gonddalle.

Galatay bessiyaa Med'inaa Godaa taani s'eesay; I ta morkkatuwaappe taana ashshee.

Taana metuu iissina, Med'inaa Godaa s'eesaad; «Taana maadda» gaade ta S'oossaw waassaad. I bare Geeshsha Sa'aan ta kooshshaa siseedda; taani waasseedda waasuu Aa haytsaan wod'd'eedda.

Abeet Med'inaa Godaw, neeni ta s'omppiyaa poo'issaasa; ta S'oossay poo'issina, ta d'umay kichchee.

Taw wolk'k'aa immiyaawenne ta ogiyaa saro ootsiyaawe S'oossaattennee.

Med'inaa Goday de'ee! S'oossay, ta wogga zaallay galatetto! Taana ashshiyaa S'oossay d'ok'k'u d'ok'k'u go!