Popular Bible Verses from Rom 10

Share

aana haꞌa-uurilemu ke lae mala uri o ko hiiwalaimoli toꞌohuu i laona manatamu uri a God e taꞌelaꞌinie a Jisas mwaanie maenga, na o ko houleꞌinie aana ngidumu uri a Jisas ingeie oto Aalaha iꞌoe.

A God kei unue uri iꞌoe iinoni oodotaꞌi i maana na kei haꞌa-uuriꞌo mwaanie maenga huu, mala uri o ko hiiwalaimoli urine toꞌohuu na o ko houleꞌinie hunie mwala.

Oto nga taa no ko unue e uuri. Hiiwalaimolinge e uure oto mai mwaanie rongolana mei wala aana tataroha diana, na Tataroha Diana i sulie a Kraes ni otona.

E toꞌohuu oto, aana mo Uusu-uusu Maaꞌi ko ere loꞌu i sulie a Kraes uuri, Taꞌena nga iini ko norutoꞌo aana e saꞌa roroꞌa norudile ike. Leune e toꞌohuu hunie taꞌena nga iinoni, maꞌalana ikire mo Jiu wa ikire nga mo Jiu haꞌike. A Kraes ingeie oto taꞌa-taꞌa Aalaha haahie ahutana mo iinoni, na ko niie mo haꞌadianaꞌanga hunge hunie ahutana mo iini kire norutoꞌo aana. Na mo Uusu-uusu Maaꞌi ko unue loꞌu uuri, Taꞌena nga iini ko sukaa peꞌinge mwaanie a Aalaha, nge haꞌa-uurilana kei lae hunie.

?Na tarohaꞌinilana mei wala ngeena kei lae hunire uri taa, na nga iini huni lae i saada haꞌike, wa nga iini uusungeꞌinilana haꞌike? Taꞌe a God e uusungeꞌinie ngaeta mo iini taane, na mo Uusu-uusu Maaꞌi ko ere i sulire maholo ko unue uuri, Hulanga mo iini ko tarohaꞌinie mai tataroha diana, mei ola ni ilenimwaꞌenga oto paine ni ngeena.

?Taꞌe mwala kei sukaa peꞌinge mwaanie a God uri taa, na kire kaꞌa manataꞌinie wa kire ke hiiwalaimoli aana? ?Na kire kei hiiwalaimoli aana loꞌu uri taa, na kire kaꞌa rongoa nga mei ola aana? ?Na kire kei rongoa uri taa, na tarohaꞌinilana mei wala ngeena e kaꞌa lae ike hunire?

Taꞌe a Kraes e haꞌa-oaie oto mo Haꞌatolanga taꞌingelu, na aena aana e haꞌamangoa oto tala takoie oodotaꞌinge aana mo Haꞌatolanga urine, nge ahutana mo iini kire norutoꞌo aana a Kraes, kire ko neꞌi iinoni oodotaꞌi oto i maana a God.