Popular Bible Verses from Rom 11

Share

A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.

Oto mala mo Uusu-uusu Maaꞌi e unue uuri, ?A tei keꞌu e saie mo loꞌongaꞌinge a Aalaha? ?A tei keꞌu e sai haꞌananaue aana nga mei ola?

E urine noꞌone mola siꞌirini. Aena aana aamasinge ingeie mone, a God e lio hilisie tootaꞌi iini aana mo Jiu hunie kire ke hiiwalaimoli aana a Kraes. E kaꞌa lio hilisire ike aena aana mo esunge diana kire asuiꞌi, taꞌe i sulie niinge ni aamasinge ingeie mola maraana haliꞌite. Aana mala uri ke lio hilisire i sulie asunge ikire e diana, haꞌalaa aamasinge a God e neꞌie oto waaitana asunge na e kaꞌa neꞌi niinge loꞌu.

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu. Aana urine, mwaanie omu mwa-mwaka aana mo sasarai ola a God e taꞌaasiꞌi ngeena. Mwaanie omu ere toohaꞌiniꞌomu, aena aana iꞌomu, omu saꞌa roroꞌa niie ike mauringe hunie imi-imine ai diana ngeena, taꞌe imi-imi ola ngeena nge e sai niie mauringe namiu.