Popular Bible Verses from Rom 9

Share

Oto maholo a God ko lio hilisie nga iini mala iinoni ingeie, nge lio-hilisinge ngeena e saꞌa lae ike i sulie nga taa iinoni ngeena e saetoꞌo aana wa mei esunge uri taa e asuie, taꞌe a God ko lae mola i sulie aamasinge ingeie maraana.

Aana a God e ere luhesie tolahana hunie a Mosis uuri, Ne kei aamasie taane nga iini no ko sare aamasie, na ne kei peꞌie taane nga iini no ko sare peꞌie.

!Haꞌike eena mwae! ?Uri o loꞌongaꞌinie uri iꞌoe, o sai ere oolisie a God? !E aasa oto ooꞌoo! Mei ola kire aadumie mola e saꞌa unue ike hunie iinoni nge e aadumie uuri, “?E ue o eedu uurini eeku?”

Oto kolu leesie uri maholo a God ko sare aamasie nga iini, e sai aamasie mola, na mala uri ko sare da saena nga iini ke hau mwaanie e rongo hunie, nge e sai esuie noꞌone urine.

Iinoni nge ko eedu-eedu e sai esuie mola taꞌena nga mei ola i sulie saena, hule aana e sai eedumie mola e ro nime hai aaopaꞌi aana taꞌa-taꞌa rotoi ei. E sai esuie mola ngaeta nime hunie ke lio kohi malisine mo ngeuhe paine, na ngaeta iini loꞌu hunie ngaunge mola i suli dinge.