Popular Bible Verses from San Marcos 7

Share

Ixin ngain anseen na̱ dachrjexin thi jianꞌa jeꞌe na̱ xraxaon na̱, inchin thi sejuakaꞌo na̱ kexeꞌo chujni, tsee na̱, thi nasuenxon na̱ chujni, thi dejuakaꞌo na̱ nchrii jeꞌa chriꞌi na̱ ko xii jeꞌa xixiꞌi na̱, thi anto thiakuꞌen na̱ sechunda na̱ tsjé tumi, thi juxon jianꞌa xraxaon na̱, thi juxon ncheeya na̱, thi anto thiakuꞌen na̱ ncheꞌe na̱ thi jianꞌa, thi chjueꞌe na̱, thi nichja na̱ nduaꞌa ixin inaa chujni, thi anto taꞌin ñao na̱ ko thi atho cha thinxin na̱. Kainxin thi jianꞌa yaa thixin ngain anseen na̱ ko mee thi nchekjan na̱ chujni jianꞌa.

Jeꞌa thi jine chujni kjanxin na̱ jianꞌa. Thi nchekjan jianꞌa chujni, mee thi dachrjexin ngain anseen na̱.

Kuthimejan Jesús ndachro: —¡Jaꞌa ra xro kunxon jian ra aro nduaꞌa! Nchao dikji̱n Isaías, thi bagayee juajnee Ndo Dio ixin jaꞌa ra are ndachro: Chujni rajna jiꞌi jeꞌo ruꞌa na̱ nchesayananxin na, aro anseen na̱ xruꞌin tunuꞌe na̱ ixin ruthjuena na̱ jaꞌan.

Mexinxin kunxon nchesayana na̱, ixin thi jeꞌe na̱ tenchekueꞌen na̱ chujni juxon thi thetuꞌan xii nthiꞌi ngataꞌa nunthe.

Jaꞌa ra idithikaonꞌa ra thi thetuꞌan Ndo Dio ko jeꞌo dithikaon ra thi binthakuaꞌan ra chujni.