Popular Bible Verses from Santiago 3

Share

Aro thi jian juaxraxaon thinxin ngajni, ngain juaxraxaon mee xruꞌin jianꞌa jii ixin ncheketuꞌa chujni, thjengijna chujni chundaꞌa, tainꞌa ñao, thiakunuꞌe chujni ko jian ncheꞌe ngain kexeꞌo chujni ixin yaa dachrjexin ngain ansean.

Ja̱ ngayaꞌa ra jii naa chujni nuꞌe jian ko thinxin jian, ncho tjaago chujni mee thi jian ncheꞌe ko tsainꞌa ñao ixin thi jeꞌe nuꞌe ko thinxin.

Ko thi chujni thjee ixin chrjuin tsunuꞌe ngain anseen icha chujni, Ndo Dio ruchjee ndo na̱ thi chrjuin tsunuꞌe ngain anseen na̱ ko sincheꞌe na̱ thi jian.

Ixin thi jii juachjueꞌe ko ningakuꞌen choo ná, kai jii thi thinxinꞌa choo ná ko kain thi jianꞌa.

Kunixin neje ná nthusayeꞌe ná Ndo Dio Ndudaa ná. Kai neje ná danchiaxin ná ixin jianꞌa tsjiꞌi inaa chujni, thi chujni binchechjian Ndo Dio inchin jeꞌe ndo. Kunixin xrajeꞌo ruꞌa ná nthusayexin ná Ndo Dio, ko nichja ná ixin jianꞌa tsjiꞌi inaa chujni. Jaꞌa ra xro choo ná, jaꞌan ná ichroꞌa sinthoꞌo ná jiꞌi.

Ko neje ni inchin naa xruꞌi, ko kai nchao sincheꞌe tsjé thi jianꞌa. Neje ná jii ngain nthauꞌa ná ko nchejianꞌa nguii nthauꞌa ná, ko nchao sincheꞌe ixin satho ná tangi ixin dayee juachaxiin xruꞌi dangaꞌa.

Aro xruꞌin chujni nchao rukeꞌe ko runichja inchin jeꞌe rinao ixin neje ni anto jianꞌa ko xruꞌin chujni thixiꞌin keꞌe neje ko chunda xraa naa ndachikjan ko nchao nasuenxion chujni.

Jaꞌa ra xro choo ná, ndachroꞌa ra ixin tsjé ra rinao ra rukjan ra inchin xi tjaago ixin jian nuꞌa ra ixin kain ná xro tjaago ná icha suji jie̱ suanna.