Popular Bible Verses from Santiago 4

Share

Mexinxin dithikaon ra Ndo Dio, ko thixiꞌan ra ko ncheꞌa ra thi rinao nchiijin, ko nchiijin satsjixin ngajin ra.

Tunchieꞌen ra ngain Ndo Dio ko jeꞌe ndo tsunchieꞌen ndo ngajin ra. Jaꞌa ra xro ncheꞌe ra thi jianꞌa, thinthuꞌe ra thi jianꞌa tencheꞌe ra. Ko jaꞌa ra, xro xraxaon ra ixin nchao sithikaon ra Ndo Dio, ko kai nchao sincheꞌe ra thi jianꞌa, ncherua ansean ra.

Tainꞌa ñao ra ngathexin kon Nchaa ná, ko jeꞌe sinthakjan ra chujni renthe.

Ndua Ndo Dio anto thjuaa ná ndo inchin ndachro ngain Xruen ndo: “Ndo Dio kayakuen chujni anto taꞌin ñao, aro jeꞌe thjueꞌe ko thjengijna chujni tainꞌa ñao.”

Ko chujni nuꞌe ncheꞌe thi jian ko ncheꞌa, chujni mee jincheꞌe thi jianꞌa.

Ko are jaꞌa ra danchia ra, dayeꞌa ra ixin thi danchia ra jianꞌa sinchegunda ra ixin jeꞌo rinao ra thi thiakuꞌen nthauꞌa ra.

¡Jaꞌa ra xro thjueꞌa ra ko dithikaonꞌa ra Ndo Dio! ¿Anuaꞌa ra ixin thi jian dakao thi jianꞌa jii ngain nunthe, mee ndakjan naa thi ningakuꞌen Ndo Dio? Ko ja̱ jaꞌa ra sakjiꞌo ra jian thi jianꞌa jii ngain nunthe, jaꞌa ra takjan ra chujni ningakuꞌen Ndo Dio.

Ko nuaꞌa ra keꞌe sikuꞌen ndue, ko nuaꞌa ra a xra sinthechon ra. Jaꞌa ra inchin naa ranunthe xraago nchin, kuthimejan ndaditjaan.