Popular Bible Verses from Efesios 2

Share

Ixin Ndo Dio binthachjian ná ko Jesucristo binthakjan ná inaa chujni narua ixin sinthoꞌo ná thi jian nthiꞌi ngain nunthe, inchin jeꞌe undachro ixin rukuꞌen are icha saꞌo.

Ixin thi anto thjuaꞌa ra Ndo Dio, jaꞌa ra bitjañaꞌa ra jie̱, jeꞌo ixin chunthia ra ngain ndo ko jeꞌa ixin runcheꞌe ra tsjé thi jian. Jiꞌi kuꞌen ixin thi binthathuan ná Ndo Dio. Ko kuenꞌa jiꞌi ixin thi jian ncheꞌe chujni, mexinxin xruꞌin chujni tsaꞌin ñao.

Aro Ndo Dio anto kuiakunuaa ná ndo ixin anto thjuaa ná ndo, maski jaꞌan ná xraa chujni undadigeꞌen ixin thi jianꞌa banthoꞌo ná. Aro jeꞌe binthakjan ná inaa chujni narua, are binchexechon ndo Cristo, ko isayeꞌa ná jie̱ ixin thi anto thjuaa ná Ndo Dio.

Ko jiꞌi ruchro ixin Ndo Dio binthaxechon ná ndo are binchexechon ndo Jesucristo, ko ukuiin ná ndo jaꞌan ná chrikee Jesucristo nthi̱ꞌa̱ ngajni.

Mexinxin jai jaꞌa ra ijeꞌa chujni chunxinꞌa ni ko kjín dithuꞌe rajnee. Jai jaꞌa ra uchujni rajnee ni udithikaon Ndo Dio ko ukjan ra ni nchianduꞌa ndo. Ko jaꞌa ra inchin naa nchia jié jingathjen suji ixin te ra ngataꞌa thi xro xenga saꞌo, xro binthekiin kain ni saꞌo kuinchieꞌe Jesús ko ni bagayée juajnee Ndo Dio, ko thi xro icha renthe ko keꞌe nchia, mee Jesucristo.