Popular Bible Verses from Akolosiyi 3

Share

Fye zhin peceye fyei zhin shiri fya zhin aza gafara. Fye to shi za n fye min, fye pa ge Dagayi n ku gafara zhin fye, ntucenu tilas fya zhin azaje gafara.

Fye zhin aɓo nubo nu n ɓa lo eshe, fyeto la esa n mwa n na anyiɓonubo zhin yin.

Fye zhin tnu-tnu n kalayi n bugba bui-buyi n esa yi vinya, n gye fye zhin Dagayi tnu-tnu nu to ge ngye efye adagayi nyan.

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Fye pa enya ɓo n Kristi ɓei wu nyi, fye fa owo aɓeda kwa dna n fye abugba mi, kwa ce fye. Fye wu fye azaje, fyei kwo ɓa n zabura yi, n anyi zafun nyayi, fyei kwo anyi ga Dagayi n bugba dayi. Enya vinya n fya zhin kwo fya da, fye fa kwa ze wakili Dagayi Yesu nya, fya ɓe n gnisun n woi n Shekwoyi Dada abye fya zhin wo godiya.

Nkwo sin vinya, fye fa ye-ye kwa gyi be n ofye awye-wyeyi nlonu ikklisiya vinya ɓa sase nbugbai gmanyi.

Shi fye ɓei bwa wye-wyei n jesun, esa n Kristi ɓei laka n efi nyi, fye la awyetu, nwo nyabwa yakwo, n na gmadayi eshe nya, aba n wo sase tu lo n Shekwoyi bwaizhebwa, n she n mwa-mwai n ikoyi nyi.

Fye fa bugbafu n kwo gmi n Kristi aba nyi, kwa dna n fye abugbami cici, gama efye tnu-tnu nyi n fye sai n fye zhin owo nayi aganyi. Fyei zhin godiya cici.

Fyeku aɓo anukwoyi anyi nya ya, fye ku aɓo anukwoyi wu n ɓa fi n fyemi nyi, fye la abwa kun n na anagbai zhi, cegye, shakpe n na aɓo pwawo vinyikwo nya yi, fyeto gyi anya manayi anyi nya wyen, gama deye kwo zhin shangba nu.

Anyiɓo to fi fye pwan, ngye oza n wo lafi. Ofye wyewyeyi hin-hin lo n eshe n Kristi yi ɓedo n Shekwoyi.

Ama nsaiye, esa la si n fye ɓa kma anya gye ya, fya kma jekpe kwo-kwoyi minagyi nya ya, nbmi-bmiyi, akmi, na ɓeda kasayi.

Fye to ce akata fi ajen, ofye wyewyeyi kwo-kwoyi nu ɓei zhin kwoi zhin lonu, nsaiye kwo la fi. Nsaiye fye se ase woi-woi nu, kwoi tu ɓemana mwi ci-ci, kwoi zhin atna kwa wu ngye Kristi, n wa zhin wyewyeyi woi-woi n efye mi nyi.

Ofye azanugbayi tila fya ye n fye anyikwozayi, fyei wuɓa alheri, to fya gyi minagyi nɓai, ko fya wun bugba n ɓa yin.

Ofye aɓi tilas fya vi ofye azakwoyi ɓo–efye adada n efye ayai–gama deye kwo da Shekwoyi agma.

Ofye anyikwoza, fye vi efye aɓa ɓo gama nyanu n Shekwoyi wa zhin shiri ga fye.