Popular Bible Verses from Mátiyu 7

Share

“Unu kfujee t'a nụ unu iwhe, aa-nụ iya unu! Unu chọjee iwhe, unu l'a-chọta iya! Unu kụjee ẹka l'ụzo, aa-gụharu iya unu.

O noo l'iwhe bụ onye sụru t'a nụ iya bẹ l'aanụjekwa, onye chọru nụ l'aachọtaje, onye kụru ẹka bẹ l'aa-gụharu ụzo.

“Ọo ya bụ l'iwhe bụ onye l'anụkota okfu lile-e mu l'ekfushi-a, emekota iya eme bẹ l'a-dụ g'ọo nwoke marụ ágụ, gvumiru alị egvumi tụa ụlo iya l'eli ẹwhuru.

“Ọo ya bụ, t'unu mejeeru ndu ọdo iwhe bụkota-gezhia iwhe dụ unu tẹ ndu ọdo meeru iya unu. O noo iwhe bụ iya chịkotaru iwu Mósisu mẹe iwhe ndu nkfuchiru Chileke kfuru.

Ọle ụzo ọwhu l'eduje madzụ bahụ lẹ ndzụ, o noo bẹ ọnu iya dụ nwa wẹrere tẹhenu ụzo iya l'atsụ l'anụ eshishi, ndu whụru iya nụ habekwa nwa-ahabe.

“Unu shia ụzo ọwhu dụ nwa wẹrere bahụ. O noo l'ụzo ọwhu bụ: madzụ -shia ya onye ọbu alaa l'iyi bẹ ọnu iya ha whosaa, ogborogbo ụzo iya ka ntse eshishi, ọ bụru iya b'a dụ l'igwe awụ eshi.

Ọo ya bụ, ọ -bụru l'unubẹdua, bụ ndu l'eme ejo-iwhe l'amajẹ nụ ụnwu unu iwhe dụ ree ?o chianu Nna unu ono, bu l'imigwe ta amadụ nụ unu ọkpobe iwhe, mbụ unubẹ ndu sụru t'ọ nụ iya unu?

“Unu be ekpekwa ndu ọdo ikpe nggẹ Chileke te ekpekwaro unu ikpe. Ishi iya bụru l'ọo iwhe unu gude kpee ndu ọdo ikpe bẹ l'ee-gude kpee unubẹdua. Ọ bụru iwhe unu gude tụru iwhe nụ ibe unu bẹ Chileke l'e-gudekwawho tụru nụ unubẹdua.

Ọle onye l'anụ okfu-a, mu l'ekfu-a, onye ọbu te eme iya eme bẹ dụa g'ọo onye eswe, je je atụa ụlo iya l'eli nvẹja.

?Ndẹe iwhe meru l'ịiwhuje nwa mkpaba dụ nwanna ghu l'ẹnya, ọle ị tịi whụkwanu ọwhu ha g'ọo osweru, dụ ghu l'ẹnya nke ghu? Ọdo bụ, ?ndẹkwanu gẹ l'ịi-gbee sụ nwanna ghu ono: ‘Gebe tẹ mu whụfu ghu mkpaba ono dụ ghu l'ẹnya,’ l'ẹka ọwhu ha g'ọo osweru dụkwa ghu-a l'ẹnya nke ghu?

“Unu zelajekwaaru ndu ono l'anọje adzụshi ejire lẹ whẹ bụ ndu nkfuchiru Chileke. Mbụ ndu l'anọje eme ódòò gẹ whẹ bụ atụru; e je ama lẹ whẹ bụ ágụ́, l'adzugbu atụru. Unu l'e-gudewaro umere whẹ marụ ọga madzụ, whẹ bụ. ?Aawọtaje akpụru-ẹra-nwata l'agarambo? ?Tẹ l'aawọtaje ujiru l'oshi uke?

O nokwawho g'iwhe bụ-zhia ọkpobe oshi l'amịtaje akpụru dụ ree. Ejo oshi l'amịtaje ejo akpụru.

Ọ tọ dụkwa ọkpobe oshi mịtajeru mebyi, dụ ẹji. O nokwawho gẹ l'ọoto dụkwanua ejo oshi mịtajeru mebyi, dụ ree.

Iwhe bụkota oshi l'ẹte amịa mebyi, dụ ree bẹ l'ee-gbutsu parụ chee l'ọku.