Popular Bible Verses from Mátiyu 12

Share

“Tẹ mu kfulekwaru iya who unu, lẹ mbọku ikpe Chileke bẹ onyenọnu l'a-bya akfụru, kaa ishi iwhe o kwoberu kfua iwhe bụ-zhia mkpọkoro okfu, shijezhia ya l'ọnu fụta. O noo l'ọo okfu shi madzụ l'ọnu bẹ l'ee-gude gụa onye ọbu l'onye dụ chịriri. Ọ bụkwaruwho okfu shi madzụ l'ọnu bẹ l'ee-gudekwawho nma iya ikpe.”

Unubẹ ụnwu, oguji-nwaka nwụshiru-a, ?ndẹnu g'okfu ọma l'e-me shi unu l'ọnu l'ẹka unu dụ ẹji l'onwunu? Nkele iwhe ọnu l'ekfuje bẹ bụ iwhe jiru obu ebushihu ebushihu.

L'ọkpobe madzụ l'eshije l'ọkpobe iwhe dụ iya l'obu wofuta ọkpobe iwhe, ejo madzụ l'eshijekwanu l'ejo iwhe dụ iya l'obu wofuta ejo iwhe.

O noo iwhe meru mu sụ unu agha: iwhe lile bụ iwhe-dụ-ẹji, madzụ l'emegbabe bẹ Chileke l'a-gụkotakwaru whẹ iya nvụ, ya a-gụkwaaru whẹ whọ nvụ l'ekfubyishi, whẹ l'ekfubyishi Chileke. Ọle onye kfubyiru Ume-Dụ-Nsọ bẹ Chileke l'ẹte abyakwaa l'agụru iya nvụ.

“Unu l'eme t'unu wọta akpụru dụ ree l'oshi, unu yeru, unu vukwaro ụzo meeda oshi ọbu t'ọ dụ ree. Nteke bụ l'unu te eletadu oshi ọbu ẹnya, o -mebyihu, unu amarụ l'akpụru iya l'a-dụkwawho ẹji. Ọo iwhe akpụru oshi mịtaru bẹ l'eegudeje marụ ẹgube iwhe oshi ọbu bụ.