Popular Bible Verses from Mátiyu 13

Share

Ọle ndu ọwhu bụ mebyi a tụru l'ẹka alị dụ ree, o noo ndu ọwhu l'anụ-gejee ya, whẹ ewota iya ye l'obu whẹ. O noo ndu ọwhu l'eyeje mebyi. Ọwhu l'a-mịta ụkporo ise, ọwhu l'a-mịta ụkporo ẹto, ọwhu l'a-mịta ụkporo l'iri.”

Ndu ọwhu a tụru l'ẹka ogvu dụ l'alị, bụ onye ọwhu nụru okfu Chileke, ọle ọ rinuka ọriri ẹhu iya. Oyenuka ẹnyumi l'ẹku batanụ bya akpalahaa okfu ono ẹhu, tọ mịhe amịmi.

O nweru onye l'anụje iwhe l'eekfu lẹ nke eze ono, Chileke bụ, ọle o too dojedu iya ẹnya. Onye-Ejo-Ụboku ono, bụ Oshifutuswe abya anafụ iya iwhe ono a tụru, dụ iya l'ime obu. Ọo ẹgube onye ono bẹ bụ ndu onona, a tụru l'agụga echi-ụzo.

Ndu ọwhu a tụru l'ẹka ẹjagiri dụ bẹ bụ onye ọwhu bụ nteke ọ nụ-geeru okfu ono, ya egude ẹhu-ụtso natakebe iya ree. Ọle ọ tọko gbabẹdua ya ọgbaragbu l'obu. Nteke ọ kpọkwaduru-a nwụkfu, iwhe-ọtsulanu -byakfutale iya who, ọdua ya abụru nteke l'aakpa iya ẹhu nkele o kwetaru okfu ono, ya abụru iya bụ iwhe l'a-kpata ya adafụ, buhaa okfu ono.

“Lẹ Chileke bụ eze bẹ dụ g'ọo iwhe ọbu, vu oke aswa, e domiru edomi l'ẹgu. Onye lanụ je awhụa ya, o kpochiwhu iya azụ, teru ẹswa lashia. Ọ laa je atụko iwhe lile o nweru reshikota je azụa alị ono.

Ndu harụ daa l'ẹka alị dụ ree, ọ nọdu l'ẹka ono mịshia mebyi. Ndu mịtaru ụkporo ugbo ise, ndu mịta ụkporo ugbo ẹto, ndu mịta ụkporo l'iri.

Unu ha ya rọ tẹ whẹ tụko vua jeye nteke l'ee-bu iya. Lẹ nteke ono bẹ mu l'e-kfuru ndu l'ebu iya t'e vuadaru ụzo rwụshiada ohu iya ono, chịkobe l'ẹka lanụ, sweshia ya l'ukfu l'ukfu t'a kpọo ọku, tẹmenu e vua ọwhube witi nteke ono je akụberu mu lẹ mkpu witi mu.’ ”