Popular Bible Verses from Roma 7

Share

Ey yàa! Ma feng a Dagwi de a ra ano yi na Yɛsu Kristi, Darwey mot! Ano kwong, me pyɛ hom, ma sé sam de e raa badu Dagwi e báre hom, ko ma sé sam de e raa badu banɛn e negwɔn hom ne bemasi.

Ma tɔk, vit a pyɛ cak ryat de ya sé sangal e ji hom wɔgɔ, e ji me de ma sé mwasi zɔng. Yaga ma vɔk cwey râ pyɛ de ya sé ryat, ko me kyɛm me ra yɛ wɛt.

Pyɛ de me ra, e yɛ à pyɛ ryat wɛt de me simo na me ra. Ko neves de me simo me ra wɛt, e nɛ de me sǎ e de ra mo.

Ka me ra pyɛ de me simo me ra wɛt, hemo he dura, a to sé e me pyɛ hom de me ra yɛ wɛt, ko a sé e banɛn de ba sé sangal e ji yey hom de be ra yɛ.

Yaga ano, ma di pyɛ de ye té e ji hom a yemo ngan: Jeng de me simo na me ra pyɛ ryat, pyɛ vyes ye tik me wɛt. E ji yey hom e hwomo, ma vɔk yey pyɛng yaga badu de ba vey yi na Dagwi.

Ka sede me ra pyɛ de me simo me ra wɛt, ko me ye, “Ey, Badu mo ba sé barat.”