Popular Bible Verses from Roma 6

Share

Yaga byɛ de be tala mɛ̀ banɛn ya sé reku, ko nɔrɔ de Dagwi e nɔngɔ̂s bemat ha sé neken gbak-gbak yi na Kristi Yɛsu, Darwey mot.

Banɛn ba rɔda re negwɔm e ra yin wɛt, yaga badu ba vɔk reto e ra yin wɛt, ko a sé e nerat de Dagwi a dura a yin de na vɔk reto e ra yin.

Yi na batisma mo ba ga lɛrɛ hot tanga yɛ, na wot a sè tanga yɛ e ji reku. Hemo ha té, yaga na wot a sangal na neken e gwong pwas, tyɛng sede remo de Dagwi Da, yi na retô gbɔng nerey mɛ, a sene Kristi na neken yi e reku.

Yin nása nedem min na yin a ragas mɛ̀ banɛn wɛt sede pyɛ̂ fwom de ba yong yaga ragâs neves. Ko nása hin bato min vɔk na Dagwi; yin a sé vemo de ba ga to ɛn yi e reku vey e neken. Ko nása hin nedem min vɔk na yɛ sede pyɛ̂ fwom de ba yong yaga ragâs pyɛ́ de ya sé cik.

Yaga wot a tɔk, ba ga kak negwɔn mot ne raane e ra cɔ́gɔt tanga Kristi. Yi ano, ba wey na negwɔn mot ne banɛn, yaga na, e ngamo nuyel, wot a to sè besam banɛn wɛt.

E gwong gwining gwane mo, bàre hin pyɛ min wɔgɔ, e rà rehâ banɛn à — yin a ga kushu, ko yin a sé beken yaga Dagwi yi na sangâl nesa na Kristi Yɛsu.

Wot ê ye ala kwong arɛt? Wot ê re nuyel e de ragâs banɛn, yaga na Dagwi a gwɛ̌ dura nerat mɛ arɛt? Tyɔng tyɔng wɛt! E rà rehâ banɛn kene — wot a ga kushu. Yi e rɛ̌ de wot a rɔda to re nuyel e sangal e ji vɛ arɛt?

Mwin, yin a tɔk, jeng de yin e nára a mwat hwak bato min na yin a gyeng há mɛ sede besam, yin a ga tɛ́ in besam yɛ womo de yin e gyeng há mɛ mo. Ka sede yin a sé besam banɛn, ko pyɔlɔ min ya rɔda sè reku. Ka sede yin a sé besam de be gyeng há, ko pyɔlɔ min ya rɔda sè wɔgɔ, Dagwi a rɔda tɛ̀ in na yin a sè cik e bayis mɛ.

Tik na wot a feng a Dagwi! Yaga, mwa ano de a raane yin á sè besam banɛn, ko a remo yin e gyeng na yey min mwa yerê basa de ba ga kana basa a yin. Ba ga kana vibis hin yi e banɛn, ko yin a ga tɛ́ in besam Dagwi vemo de be ra pyɛ́ de ya sé cik e bayis mɛ.