Popular Bible Verses from Roma 5

Share

Ko Kristi á kana ku yaga wot e jeng de wot a rɔngɔl bemât banɛn. A sé yi ano de Dagwi a dura a wot, a tɛ̀ yey na wot sizɔng.

Ka sede wot a sɛt yey mot e ra Dagwi e gwong gwomo, ko wot a rɔda bidɛ pyɛ cak wɛt. Yaga Dagwi a ga dura a wot, yɛ a ga tɛ̀ yey mɛ na wot ding-ding. A dura ano yi na Gabik Jɛrɛ mɛ, hemo de a ga nɔng ot hɛ.

Ko a sé ano zɔng wɛt, ko wot a vɔk yey pyɛng e ji sɔ̂ reyɔm mot arɔng, yaga wot a tɔk, sɔ̂ reyɔm he tɛ̀, wot a niri. Ko niri mo arɔng he yong negwɔn mot de ba ga kana mara nɛ. Ko negwɔn o ne tɛ̀ wot a sɛt yey e ra Dagwi.

Ano kwong, sede remo de Dagwi a ga tɛ̀ ot cik e bayis mɛ, yaga wot a sey tsak o, Darwey Yɛsu Kristi a tɛ̀ ot na wot a sangal tyang na Dagwi. Yɛsu mo a to tɛ̀ ot na wot a tɔk gwong de Dagwi a dura a wot nerat mɛ nemo de wot a sé wok netâ nɛ a remo. Ko a sé yaga wot a sey tsak o na Yɛsu Kristi de a tɛ̀ ot, wot a sey nerat o. Wot a vɔk yey pyɛng, yaga wot a sɛt yey mot, wot a rɔda sè tanga Dagwi e kwɔ̂n gbɔng nerey mɛ.

E jeng de wot a rɔngɔl vit nà gap, Kristi a ku yaga vemo de be raa Dagwi wɛt. Yɛ a ku e jeng de Dagwi a di ya jam.

Kristi a shushu nemi mɛ, ko yi ano ba ga tɛ̀ ot na wot a sè cik e bayîs Dagwi. Ka sede ano, ko a rɔda ba sey neken mot, vit a tô yey, e jeng de Dagwi e ba ra a bemat shɔt e ji shom mɛ.

Yaga mwat gwining a kyɛ́ ɛ nà gyeng há, ko bemat pyak ba tɛ́ ɛn vê banɛn. Ano arɔng, yaga mwat gwining a gyeng há, ko Dagwi a rɔda tɛ̀ bemat pyak be sè cik e bayis mɛ.

Pyɛ́ ma yemo zɔng wɛt, ko wot a vɔk yey pyɛng yaga Dagwi arɔng yi na Darwey mot Yɛsu Kristi. Yaga a sé yi na yɛ de Dagwi a ga gang-nshi na wot a remo.