Popular Bible Verses from 2 Bitrus 2

Share

Ano kwong, Darwey a tɔk gwong de a rɔda pat bemat de be raa hɛ naka yi e nemàsa mɛn. A to tɔk gwong de a rɔda tik bemat beves, na a sǎ e de tabak hɛn vɔk e Tuk Shɔt

Ko di, a yâng dal naka, ka yɛn a ka tɔk gwong de mwat e sè cik e bayîs Dagwi wɛt, de yɛn a tɔk gwɛ, na yɛn a de hàla raà redu Dagwi de ba nɔng ɛn. Pyɛ de ya té na yɛn ya sé tyɛng na cinat há wɔgɔ, “Vu wo to re pyɛ de wa ga kana hwɔs yɛ”, kɛ wɔgɔ, “Zà de ba ga kus wɛ wó to wɔ̀ biring e bwɔrɔk.”

Yɛn e ha a vane mo wɔgɔ, ba rɔda hàla hɛn washak, ko yɛn pyɛ mɛn ba sé besam negwɔn de na rɔda wey na yɛn; yaga mwat a sé sam kayɛ pyɛ de ya ga di wɛng e ra yɛ.

Bemat o bá tɔk Darwey mot Yɛsu Kristi, Mwât Sey ot, de a tɛ̀ ɛn na be tɛ́ ɛn washak yi e negwɔn neves ne jey yemo. Ko e bama mo, negwɔn neves o na to kaba hɛn, na ne di wɛng e ra yɛn gbak. Yaga ano, neves mɛn nè yɛnɛ mo na dal ne susu mo.

Yimo raane, bezarap Dagwi vê bɔs bà kana nusu e ji bemat, ko a sé ano arɔng de bemât basa vê bɔs ba rɔda nusu e ji min. Yɛn a rɔda vey na batîn basa vê bɔs de ba rɔda tɛ̀ bemat be wey. Yɛn a rɔda tono na Darwey de a vibis hɛn, ko yi ano, yɛn a rɔda hwɔtɔ a bato mɛn pyɛ de ya rɔda wey na yɛn dey-dey.