Popular Bible Verses from 2 Bitrus 3

Share

Bemat behak be bare, Dagwi a sé hywɛ e de râ pyɛ́ de à ga kana sira na a ra. A sé ano wɛt, ko e niri na yin, yaga e simo na mwat hwak a wey wɛt, ko e simo na mwa be doyo yi e banɛn mɛn.

À besâ yey hom, yin ye bam à pyɛ jining yemo wɛt: E bayîs Dagwi, pɔlɔ hining ha sé detu na neshey gu rining (1,000) wɛt, mwa pyɛ́ bya yemo ya sé tyɛng na yɛ.

Ko ré in nuyel e de raà Darwey mot Yɛsu Kristi, Mwât Sey ot, yaga na a gwɛ̌ dura a yin nerat mɛ, na yin a gwɛ̌ tɔk ɛ arɔng. Gbɔng nerat na sé nemɛ a remo tanga nesheneshey! Ano.

Ko di, jeng de Darwey a rɔda vɛ̄ hɛ ye kyè vey gòbok sede gbik. E jeng o, belagwi ba rɔda ba ye bit na rewɔng sizɔng, ko kya ha rɔda ba re hywiri kayɛ pyɛ de ya sé e ji vɛ; jey arɔng tanga kayɛ pyɛ de ya sé e ji yɛ̄ ya rɔda tɛ́ ɛ vit.

Sede remo de pyɛ́ yemo mwa ya rɔda ba wey ano, e yerê nɛ̌ negwɔn de na sé naka na yin a vɔk arɛt? Tik na negwɔn min ne sè yerê ne bemat de ba ga tik ɛn jaram yaga Dagwi, na yin a raa hɛ naka arɔng. Jeng de yin a sé gyeng tuk de Dagwi a rɔda ba vey, tik na yin a ye ngyɛ́k e de râ pyɛ́ de yê tɛ̀ he vey dey-dey. Jeng a yane de kya ha rɔda ba re belagwi, ha rɔda wey na vɛ hywiri, ko kayɛ pyɛ de ya sé e ji vɛ ya rɔda ye ywey na nevɛ̌t o.