Popular Bible Verses from Rom 4

Share

Ìkakaan̄ si ejit iba me lek use Awaji ya, kubọk ogwu una ichechieek. Kpan̄asi ikeya, ìtetet lek inye me emen ichechieek kan̄, mè isa itọn̄ inyi Awaji, mije, îriọọn̄ ijaan̄ lek ibe ke Awaji îkaan̄ unye isasa irọ use ya îchieekbe ọmọ iso.

Ikeyi ke ege me Ikpa Mbuban ibe, “Nrọ owu ute inyi owuwa ido.” Ebereyam ìre nte kiji me isi Awaji ogwu ọmọ me lek kan̄ si ochieekbe me lek, Awaji ogwu òkitap ugwem me emen ebi ìkwakwaan̄. Ọmọ si okisa ikọ otu irom inu isibi me ere inu kpunube.

Mije, Awaji ìsa Jisọs inyi ibe inikwu mkpa mije ijo inu kiji, mè iyaka ijomo ọmọ me mkpa, inyi iniben itip-oyerebet isan̄a me ibot kiji.

Me ere kpunube ikpọchieen̄ geege, Ebereyam osasa me ikpọchieen̄ ichieek ikọ Awaji otumube, mè isa me ikeya ikana ute inyi owuwa ido. Ike egebe me Ikpa Mbuban, Awaji ìtumu inyi Ebereyam ibe, “Ikeya ke bọn owot iman kwun̄ ebewa ikup.”

Eya orọ, use Awaji ochieekbe ya ìkinu inan̄a me ichechieek, inyi ije me atata nnwọn Awaji gaalek. Use ya si ìkup inyi otutuuk bọn owot iman kè Ebereyam. Ìkakup ìnyi ebi ìkisun̄ Ikan kè Mosis gaalek, ìkup si inyi ebi ìkakaan̄ ojelek ichechieek kè Ebereyam.

Debit ìtumu ibe, “Uga ubelejit okup inyi ebi Awaji otelebe nrọ-nlọ kiban̄ inyi, mè ichit ijo inu kiban̄! Uga ubelejit okup inyi ene ya ogwu Okumugwem ìkpoyakabe ifuk nrọ-nlọ kan̄ itoon̄ me ibot.”

Ìre keke ke Ikpa Mbuban otumu ofolek kè Ebereyam? Ikpa Mbuban ìbe, “Ebereyam îchieek ikọ Awaji otumube, Awaji osasa mije keya ifuk ọmọ kubọk ogwu ata irọrọ.”