Popular Bible Verses from Rom 3

Share

Mije, otutuuk ene mîrọ ijo inu, kpekọt ikaan̄ ujamgbugbo eyi ònan̄a me ubọk Awaji. Ire, bak me lek atata nnwọn eyi Awaji onyibe eji me ikike, Awaji ìkayaka ìtip eji oyerebet, mije, Karais Jisọs îfaka eji isibi me emen itip-oyerebet Awaji.

Awaji ìkirọ mè ene ikana ogwu ata irọrọ me isi kan̄ inan̄a me lek ichechieek ene ya ochieekbe me lek kè Jisọs Karais. Awaji ìkirọ inu yi inyi otutuuk ebi geelek ìchechieek me lek kè Jisọs Karais, mè ìre ebi Ju, mè ìyaka ire ebi kpere ebi Ju. Kpunu esese geege òkukup.

Awaji ìsasa Karais inyi ibe inikwu mkpa me ibot ebilene kubọk ngwugwa esabe irọ esuuk, inyi ọmọ itele ijo inyi ebi geelek ìchechieek me lek kè Karais. Awaji ìrọ inu yi isasa ijeen̄ ibe ke ọmọ ìre ogwu ata irọrọ. Mije, Awaji îsa me ujọn̄ọ ukarajit kan̄ ikpọ chieen̄ ilọ me lek ijo inu ebilene erọbe me mgbọ òraraka, ìkasulu ema osusut. Awaji ìrọ inu yi, inyi ọmọ isa ijeen̄, me mgbọ keyi, ibe ke ọmọ ìre ogwu ata irọrọ, mè ogwu òkirọ unen, mè ire si ogwu òkisan̄a itip-oyerebet isan̄a me ibot ebi geelek ìchechieek me lek kè Jisọs.

Kpunu ene geege òbokọt ikana ogwu ata irọrọ me isi Awaji inan̄a me isusun̄ Ikan kè Mosis. Kpan̄asi ikeya, inu Ikan kè Mosis okirọ ìre irọrọ inyi ene iriọọn̄ ibe ke ọmọ ìre ogwu ijo me atikọ.

Mîge si me Ikpa Mbuban ibe, “Kpunu ene geege òrere ogwu ata irọrọ, kpunu kubọk ge! Kpunu ene geege òkikọt igobo inu eyi Awaji itet, kpunu si ene geege òkiweek Awaji. Otutuuk ene mîtele Awaji, mè ifiat isan̄a, kpeyaka ikup me lek inu geege. Kpunu ene geege òkirọ inu òtatat, kpunu kubọk ge!

Mije, eji ekitumu ibe ke Awaji ìkisan̄a ene itip-oyerebet me ibot sa me ichechieek, ìkare sa me isusun̄ Ikan kè Mosis.

In̄-in̄, eya ìkpokọt irọ! Awaji ìkpolọlọ irere ogwu atikọ, ìrere ibe ke otutuuk ebilene ìre ebi ataak, kubọk egebe me Ikpa Mbuban ibe, “Sa me ikeyi, ire otumu ikọ, ikọ kwun̄ ìbore atikọ. Ire osi oyerebet, oyerebet ìbonwọnwọn owu.”