Popular Bible Verses from Ikwaan̄ 16

Share

Ema efọfọọk ọmọ ibe, “Chieek me lek Okaan̄-ene Jisọs, ke mênyan̄a owu, mè otutuuk ebi uwu kwun̄.”

Me ejit eririeen̄, Pọọlu mè Sailas ekekiriaak uriaak, mè ikikọt okwa itọn̄ Awaji. Ebi mkpọn kechilọ ekekigban̄. Me ekakpọge chieen̄, ijọn̄ obebene ikisisik me ere ya atalek unye unye, mè isisik ire lek ọdọ uwu mkpọn ya. Mgbọ yaage, otutuuk isotu uwu mkpọn ya ogwugwuku ibook. Otutuuk mkpọn esabe igon ebi mkpọn cha geelek ogegen̄ igwook.

Inenisan̄a ema isibi, mè ido ema ibe, “Ebi nte n̄a, ìre keke ke mbarọ mè ikaan̄ unyan̄a?”

Ogwu ibot uwu mkpọn ya obobolo chieen̄, mè imun̄ ubọk otutuuk isotu uwu mkpọn ya ogwukube ibook. Mgbọ îmun̄be ikeya, iwọwọọk oge akọn̄ kan̄ ibosa ikpan̄ lek, mije, ìkeek ibe ke otutuuk ebi mkpọn cha mîlim ifon isan̄a kpai. Ire, Pọọlu okukup imun̄ inu ene ya oborọ, mè itaan̄ ukpo itumu inyi ibe, “Kasak unan geege me lek kwun̄. Eji otutuuk ene òwa me ere keyi!”