Popular Bible Verses from Ikwaan̄ 17

Share

Awaji ìrọ inu yi inyi ebilene esa me ikeyi eweek ọmọ, mè elibi egọọk ọmọ. Usini mgbọ, sa me ikeya, mêweek ọmọ imun̄, ubọk geelek ọmọ ikajọn̄ọge ere me lek kiji me ge me ge.

Inan̄a me lek adasi ene ge îrombe ke îsan̄a otutuuk ido ebilene isibi ibe eneluk ejot otutuuk linyọn̄, mè isun̄ mgbọ inyi ebi ido geelek, mè idọmọ si ere inyi ido geelek eluk.

“Awaji ogwu òrorom linyọn̄, mè otutuuk inu geelek òkup me emen kan̄, ọmọ ore Okaan̄-ene ogwu òkaan̄ emen inyọn̄ mè linyọn̄ keyi. Awaji ya ìkakiluk me uwu mbuban echi ubọk ebilene onamabe.

Mije, Awaji îsan̄a egwe ge isun̄, mgbọ ìbosa me ata irọrọ isibi oyerebet me ibot otutuuk ebi linyọn̄. Ogwu òbosibi oyerebet yi ìre ogwu enerieen̄ ge Awaji ogobobe isibi. Ijojomo me mkpa eyi ene ya ojomobe ore inu ata-ikọ ibe ke ene ya ore ogwu Awaji ogobobe isibi me atikọ.”

“Eya orọ, kubọk eji erebe bọn Awaji, ìkagbe ibe eji ekeek ibe ke Awaji ìbet lek inu alata araran̄ mè ìre alata okuket, mè ìre ewuuk, echi ebilene esabe ubọk kiban̄ irom igọọk me ifuk-ibot kiban̄ mè ubọk ikwaan̄ kiban̄.