Popular Bible Verses from KOLOSAIK 3

Share

omuitochinigei, ak onyochinigei kaat okweegei, ngo tinyei chii age tugul ng'olyoo eng' age: agot ko uu ye kinyoiywok kaat Kiptaiyat, oyai ko uu nooto ak okweek

Obwaat tuguuk che mi parak, ma tuguuk che miitei ng'wony.

kiit age tugul ne oyae, oyai kobunu muguleldo, ko uu eng' Kiptaiyat, ama ko uu eng' piik

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet

Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok. Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

ak otes eng' tuguuchuuto tugul chamyet, nooto ratuutyet ne po kagesunetapkei.

Ko uu ye king'eetyee anyun kobooto Kristo, ocheeng' tuguuk che mi parak, ole mi Kristo kotebyei eng' eutap tai ne po Kamuktaindet.

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik

Amu ki obegu, ak ki kiuny saboonwekwok kobooto Kristo eng' Kamuktaindet.

Ago nguno olakte ak okweek tuguuchuuto tugul; nereegek, nyitatet, yaityet, chubisyet, ak ng'alaalet ne po teweernateet eng' kutusweekwok

amomwachigei lembech, amu ki oregu chiito ne po keny kobooto poisyonikyik, ak koolaach chiito ne leel, ne kiwalei koleelit agoi naet kogergeit ak itoondap ineendet ne ki yai ineendet

Manong'otaichu, ocham osotikwok, amogoochi ng'wanindo.

Lagochu, ogas iit sigiikwok eng' tuguuk tugul, amu iboiboi niito miising' Kiptaiyat.

Osotichu, ogas iit manong'otaikwok, ko uu ye nyolu eng' Kiptaiyat.