Popular Bible Verses from Salmos 143

Share

Kaxtnoꞌo ni nuu san ja saꞌa san nagua kuini ni, chi maa ni kuu ia Dios san. Te maa espíritu guaꞌa ni, na kondeka konduu ña jin san ja na kaka san ichi ndaa.

Te ndee tnoꞌo neꞌe xneꞌe ni nuu san, ja kundaꞌu ini ña ni jin san, chi kukanu ini ña san jin ni. Xneꞌe ni nuu san na ichi kaka san, chi soko san maa san nuu ni.

Skaku niꞌnu ña ni nuu ndaꞌa ñayiu ka kaꞌan uꞌu ña jin san, chi nuu maa ni nduku san ja tavaꞌa ña ni jin san.

Te jin sivi maa ni, vi Jitoꞌo, te taa ni ja koteku san, chi ia saꞌa ndaa kuu ni, te skaku niꞌnu ña ni nuu tnoꞌo suchi ini tnaꞌa san.

Konini ni joo tnoꞌo ndakuatu san nuu ni, vi Jitoꞌo. Tanuu ni joo tnoꞌo ja jikantaꞌu san nuu ni. Chituu ña ni jin san, chi ia ndaa kuu ni, vi saꞌa ndaa ni.

Neꞌe ñama ni, te chituu ña ni jin san, vi Jitoꞌo san, chi makuita saꞌun anu san. Ma chiyata ña ni jin san, chi nuu tuu, te kokuu san na kuinio ndiyi, ja kuaꞌan jinkoyuꞌu nuu yau ñaña.

Te ndakaꞌan san ndiꞌi tniuu naꞌnu ni saꞌa ni, ndee tiempu ja ni kuu nanaꞌa, te ndakani ini san ndiꞌi ja ni saꞌa ni jin jakaꞌnu ni.