Popular Bible Verses from Salmos 142

Share

Ni kana ndaꞌu san nuu ni, vi Jitoꞌo, te kachi san: “Maa ni kuu ia jito jini ña. Maa ni kuu ndiꞌi ja nevaꞌa san nuu teku san ñuyiu yaꞌa.”

Ndatau ña ni nuu tnundoꞌo tnaꞌa san yaꞌa ja kuu na kuinio vekaa, nagua ja na kuu saꞌa kaꞌnu san sivi ni. Te vi kionduu ña ñayiu ndaa, nuu vi kuni ja ni saꞌa ni in jaguaꞌa jin san.

Te nuu vini ja tu ka na anu san ja kusuchi ndevaꞌa ini san, su jini maa ni na ichi jika san, vi Dios. Te nuu ichi jika san ni ka tayuꞌu in xeyu ja vi kakuiko ña jin san.

Kana jaa san nuu jikantaꞌu san ja na chituu ña Jitoꞌo, vi kana jaa san nuu jikan san ja na kundaꞌu ini ña ya jin san.

Konini ni joo tnoꞌo kana ndaꞌu san nuu ni, chi ja makuita saꞌun san ja kusuchi ndevaꞌa ini san. Skaku niꞌnu ña ni nuu ndaꞌa ñayiu ka sondikin ña jin san, chi inu ndakui kai saa sein.