Popular Bible Verses from Safaniyáh 3

Share

ḲHUDáWAND terá Ḳhudá jo tujh meṉ hai qádir hai; wuhí bachá legá, wuh tere sabab se shádmán hokar ḳhushí karegá; apní mahabbat meṉ masrúr rahegá; wuh gáte húe tere liye shádmání karegá.

Us waqt maiṉ tum ko jama‘ karke mulk meṉ láúṉgá; kyúṉki jab tumhárí hínhayát hí meṉ tumhárí asírí ko mauqúf karúṉgá, to tum ko zamín kí sab qaumoṉ ke darmiyán námwar aur sitúda karúṉgá, ḲHUDáWAND farmátá hai.

ḲHUDáWAND ne terí sazá ko dúr kar diyá; us ne tere dushmanoṉ ko nikál diyá; ḲHUDáWAND Isráíl ká bádsháh tere andar hai; tú phir musíbat ko na dekhegí.

Dekh, maiṉ us waqt tere sab satánewáloṉ ko sazá dúṉgá, aur laṉgṛoṉ ko riháí dúṉgá, aur jo háṉk diye gaye, un ko ikaṭṭhá karúṉgá; aur jo tamám jahán meṉ ruswá húe, un ko sitúda aur námwar karúṉgá.