Popular Bible Verses from Yasa‘iyáh 45

Share

aur maiṉ zulmát ke ḳhazáne, aur poshída makánoṉ ke dafíne tujhe dúṉgá, táki tú jáne ki maiṉ ḲHUDáWAND Isráíl ká Ḳhudá húṉ, jis ne tujhe nám lekar buláyá hai.

maiṉ tere áge áge chalúṉgá, aur náhamwár jagahoṉ ko hamwár baná dúṉgá: maiṉ pítal ke darwázoṉ ko ṭukṛe ṭukṛe karúṉgá, aur lohe ke beṉḍoṉ ko káṭ ḍálúṉgá

Maiṉ hí ḲHUDáWAND húṉ, âur koí nahíṉ; mere siwá koí Ḳhudá nahíṉ: maiṉ ne terí kamar báṉdhí, agarchi tú ne mujhe na pahcháná: táki mashriq se mag̣rib tak log ján leṉ, ki mere siwá koí nahíṉ: maiṉ hí ḲHUDáWAND húṉ, mere siwá koí dúsrá nahíṉ.

Maiṉ hí raushní ká mújid aur táríkí ká ḳháliq húṉ; maiṉ salámatí ká bání, aur balá ko paidá karnewálá húṉ; maiṉ hí ḲHUDáWAND yih sab kuchh karnewálá húṉ.

Ai intihá e zamín ke sab rahnewálo, tum merí taraf mutawajjih ho, aur naját páo, kyúṉki maiṉ Ḳhudá húṉ, aur mere siwá koí nahíṉ.

ḲHUDáWAND apne mamsúh Ḳhoras ke haqq meṉ yúṉ farmátá hai, ki Maiṉ ne us ká dahiná háth pakṛá, ki ummatoṉ ko us ke sámne zer karúṉ, aur bádsháhoṉ kí kamareṉ khulwá ḍálúṉ; aur darwázoṉ ko us ke liye khol dúṉ, aur pháṭak band na kiye jáeṉge

Maiṉ ne apní zát kí qasam kháí hai, kalám i sidq mere muṉh se niklá hai aur wuh ṭalegá nahíṉ, ki har ek ghuṭná mere huzúr jhukegá, aur har ek zabán merí qasam kháegí.

Maiṉ ne apne ḳhádim Ya‘qúb, aur apne barguzída Isráíl kí ḳhátir tujhe nám lekar buláyá: maiṉ ne tujhe ek laqab baḳhshá, agarchi tú mujh ko nahíṉ jántá.