Popular Bible Verses from Yasa‘iyáh 44

Share

Kyúṉki maiṉ piyásí zamín par pání unḍelúṉgá, aur ḳhushk zamín meṉ nadiyáṉ járí karúṉgá: maiṉ apní rúh terí nasl par aur apní barakat terí aulád par názil karúṉgá

ḲHUDáWAND, Isráíl ká bádsháh, aur us ká fidya denewálá RABB u’l afwáj yúṉ farmátá hai, ki Maiṉ hí awwal, aur maiṉ hí áḳhir húṉ; aur mere siwá koí Ḳhudá nahíṉ.

Maiṉ ne terí ḳhatáoṉ ko ghaṭá kí mánind aur tere gunáhoṉ ko bádal kí mánind miṭá ḍálá: mere pás wápas á já; kyúṉki maiṉ ne terá fidya diyá hai.

Tum na ḍaro, aur hirásán na ho: kyá maiṉ ne qadím hí se tujhe yih nahíṉ batáyá aur záhir nahíṉ kiyá? tum mere gawáh ho. Kyá mere siwá koí âur Ḳhudá hai? nahíṉ, koí Chaṭán nahíṉ; maiṉ to koí nahíṉ jántá.

ḲHUDáWAND terá ḳháliq jis ne rihm hí se tujhe banáyá, aur terí madad karegá, yúṉ farmátá hai, ki Ai Ya‘qúb, mere ḳhádim, aur Yasúrún mere barguzída, ḳhauf na kar.