Popular Bible Verses from Kata Kolos 2

Share

Emmuu jiyayyab Yéesu Kilisita loon Amaaŋenawu ooluul, kama jikatool min acolen buloŋabu booluul. Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

Naanaŋ, bukuluul jiketenket mata uhoofoolawu wooluul úji, ban foof mata jilakowut bukan kata Ateemit. Muñeˈe Ateemit lasenuusen buloŋ mata hujokoolahu hooluul li Kilisita húji, ban li abonket uhoofoolawu woololaal feh. Ateemit lábubbuj kaayiitaku dán uhoofoolawu woololaal ukiicimuu, kanaake kúhiisolaamuu buu luhoofoolaalumuu le, li wahawu wan ootaalumuu ucaamaal Ateemit. Lábubbuj wahawu unwu feh li kabaaŋaku kan abaaŋ womuu li ekuluwaayi.

Li mal̥egenamu, bóonowabu feh bata Ateemit, bumbu li eniilayi yata Kilisita. Bukuluul li hujokoolahu hooluul li okila jíyabummuu wahawu feh boot to, okila ahaŋumuu sembe sanoosan sata uyinumawu wajakutumuu li huhaane hanoohan.

Mó mújimuu, jakum jikat an min atiibuul mata wah wan jitiñe li mata wah wan jihobe, mantee foof mata kagaan, mata hul̥een huwunkul, li mata húyiiyaayahu hata kusuwifaku. Wahawu unwu feh hin élinga yata wahawu wammuu li ebil. Mal̥egenamu mo mummu li Kilisita.