Popular Bible Verses from Loos 4

Share

Nws yeej tsis tso nws txoj kev ntseeg tseg thiab yeej tsis ua ywjfab ywjfwj txog Vajtswv tej lus cogtseg; nws txoj kev ntseeg tseem hajyam ua rau nws ruaj-khov ntxiv, thiab nws hajyam ua Vajtswv tsaug xwb. Nws yeej paub tseeb hais tias Vajtswv yeej ua tau rawsli Vajtswv tau coglus tseg lawm.

Rawsli Vajtswv Txojlus hais tias, “Kuv tau tsa koj ua leejtxiv rau ntau haivneeg.” Tej lus cogtseg ntawd yog hais timntsej timmuag ntawm Vajtswv tus uas Anplahas ntseeg; Nws yog tus Vajtswv uas tsa tau cov neeg uas tuag lawm sawv rov los muaj txojsia thiab yog tus uas hais kom yam uas ibtxwm tsis tau muaj dua ciali muaj, ces txawm muaj rawsli ntawd.

Vim peb tej kev txhaum es Yexus Khetos thiajli raug txoj kev tuag, tiamsis Nws tau sawv hauv qhovtuag rov los muaj txojsia, kom peb ua tau neeg ncajncees.

Txawm yog twb tsis muaj ib yam dabtsi uas yuav txaus ciasiab rau, los Anplahas yeej tseem ntseeg thiab ciasiab, vimli ntawd nws thiaj dhau mus ua “leejtxiv rau ntau haivneeg.” Rawsli Vajtswv Txojlus hais tias, “Koj li cajces yuav ntau npaum li tej hnubqub saum nruabntug.”

Yogli ntawd, txoj kev coglus yog los ntawm txoj kev ntseeg, Vajtswv yuav muab Nws txoj hmoovhlub uas Nws tau coglus lawm pub rau txhua tus uas yog Anplahas cajces, tsis yog pub rau cov uas coj rawsli txoj kevcai xwb, tiamsis pub rau cov uas ntseeg ib yam li Anplahas ntseeg; rauqhov Anplahas yog peb sawvdaws leejtxiv ntawm sab kev ntseeg.

“Cov neeg uas Vajtswv zam lawv tej kev phem, thiab zam lawv lub txim, yog cov uas tau zoo nyob kajsiab lug. Tus uas Vajtswv tsis suav nws lub txim, tus ntawd tau zoo nyob kajsiab lug!”

Vajtswv Txojlus hais tias, “Anplahas ntseeg Vajtswv, thiab vim nws txoj kev ntseeg ntawd, Vajtswv thiaj suav hais tias nws yog neeg ncajncees.”