Popular Bible Verses from Loos 5

Share

Tiamsis Vajtswv tau qhia Nws txoj kev hlub rau peb li no: thaum peb tseem yog neeg txhaum, Khetos twb tuag theej peb lawm!

Txoj kev ciasiab no tsis ua rau peb tag kev ciasiab, rauqhov Vajtswv tau hliv Nws txoj kev hlub los rau peb los ntawm qhov uas Nws tau pub Vaj Ntsujplig tus dawbhuv los nyob rau hauv peb lub siab.

Tsis tas li ntawd xwb, peb tseem zoosiab rau peb tej kev txomnyem, rauqhov peb paub tias kev txomnyem ua rau muaj kev ua taus siabntev tiv, kev ua taus siabntev tiv ua rau muaj kev ua haum Vajtswv siab, thiab kev ua haum Vajtswv siab ua rau muaj kev ciasiab.

Nimno, los ntawm txoj kev ntseeg, Vajtswv suav hais tias peb yog neeg ncajncees; peb muaj kev sib raugzoo nrog Vajtswv yog los ntawm peb tus Tswv Yexus Khetos. Los ntawm txoj kev ntseeg, Nws tau coj peb los ua neej nyob rau hauv Vajtswv txoj hmoovhlub. Yogli ntawd, peb thiaj zoosiab thiab ciasiab hais tias peb yuav tau koom nrog Vajtswv tus tshwjchim uas ci ntsa-iab!

Thaum uas peb tseem pab tsis tau peb tuskheej, Khetos tau los tuag txhiv cov uas yog neeg txhaum raws nraim li lub sijhawm uas Vajtswv tau teem tseg lawm.

Los ntawm Nws cov ntshav, nimno peb thiaj ua tau neeg ncajncees; tshaj qhov ntawd ntxiv, Nws tseem yuav cawm kom peb dim ntawm Vajtswv txoj kev chim thiab!

Vim tibtug tsis mloog Vajtswv lus xwb ua rau sawvdaws poob kev txhaum huv tibsi, tibyam nkaus li ntawd, vim tibtug mloog Vajtswv lus xwb ua rau sawvdaws tau los ua neeg ncajncees huv tibsi.

Tsis tag li ntawd xwb; peb zoosiab heev rau Vajtswv los ntawm peb tus Tswv Yexus Khetos, tus uas tau coj peb los ua Vajtswv li phoojywg.