Popular Bible Verses from Henplais 4

Share

Rauqhov Vajtswv Txojlus ciajsia thiab muaj hwjchim. Tej lus ntawd tseem ntse dua txhua rab ntaj uas ob sab ntse, nkaug mus txog nruab plab nruab plawv, nruab nqaij nruab txha. Nws ntsuas tau tej uas neeg lub siab xav thiab txoj kev ntshaw huv tibsi.

Yogli ntawd, cia peb ua siab tawv qhawv mus rau ntawm Vajtswv lub zwmtxwv uas muaj txoj hmoovhlub, kom peb thiaj yuav tau txais kev tabncuab thiab txoj hmoovhlub los pab peb thaum peb muaj kev tuncua.

Peb tus Tuam Povthawj Hlob tsis yog ib tug uas tsis paub hlub peb thaum peb tsaugmuag, Nws yog ib tug uas twb raug txhua yam kev simsiab ib yam li peb los lawm, tiamsis Nws tsis tau ua ib qho txhaum hlo li.

Tsis muaj ib yam dabtsi uas yuav muab zais tau es tsis pub Vajtswv pom. Txhua yam uas Vajtswv tsim los lawm, yeej raug muab nthuav huv tibsi rau Vajtswv saib. Peb txhua tus los nyias yuavtsum piav nyias yam rau Vajtswv thiab.

Yogli ntawd, peb yuavtsum tuav txoj kev ntseeg uas peb tau lees lawm kom ruaj. Rauqhov peb muaj ib tug Tuam Povthawj Hlob uas loj, uas twb mus cuag Vajtswv lawm, tus ntawd yog Yexus, Vajtswv tus Tub.

Yogli ntawd, peb sawvdaws yuavtsum ua tiag kom tau txais txoj kev so ntawd, kom peb thiaj tsis muaj ib tug twg yuav plam li lawv, vim txoj kev tsis mlooglus.