Popular Bible Verses from 1 Kauleethaus 2

Share

Licas los xij, Vajtswv Txojlus tau sau tseg hais tias: “Tej uas qhovmuag tsis tau pom lossis pobntseg tsis tau hnov, tej uas neeg lub siab xav tsis txog hais tias yuav muaj, twb yog tej uas Vajtswv npaj tseg rau cov neeg uas hlub Vajtswv ntag.”

Tus uas tsis muaj Vaj Ntsujplig, tus ntawd yeej txais tsis tau tej uas Vajtswv tus Ntsujplig pub, rauqhov nws yeej tsis totaub txog tej ntawd thiab nws suav hais tias tej ntawd yog kev ruam rau nws; rauqhov tej ntawd yog hais txog sab Ntsujplig.

Tiamsis Vajtswv muab zaj uas Nws muab zais cia lawm los nthuav qhia rau peb paub los ntawm Nws tus Ntsujplig. Vaj Ntsujplig tshawb txhua yam, txawm yog tej uas Vajtswv muab npog cia nyob tob heev los Nws yeej paub huv tibsi.

Peb tsis tau txais ntiajteb tus ntsujplig; tiamsis peb tau txais tus Ntsujplig uas Vajtswv txib los, kom peb thiaj totaub txhua yam uas Vajtswv muab pub rau peb.

Tej lus uas kuv hais thiab tej uas kuv qhuabqhia yeej tsis yog los ntawm neeg lub tswvyim txawjntse kom xwv tau neeg lub siab, tiamsis yog tej lus uas qhia kom sawvdaws pom txog Vajtswv tus Ntsujplig lub hwjchim. Yogli ntawd, nej txoj kev ntseeg thiaj tsis nyob rau ntawm neeg tej kev txawjntse, tiamsis nyob rau ntawm Vajtswv lub hwjchim.